ەسىرتكى وسىرۋمەن اينالىسقانداردىڭ زاڭسىز ارەكەتى
ەسىرتكىگە قارسى قىلمىستىڭ جولىن كەسۋگە، قۇرامىندا ەسىرتكى بار وسىمدىكتەردىڭ زاڭسىز ەگىنىن جويۋعا باعىتتالعان «دوپينگ» رەسپۋبليكالىق جەدەل الدىن الۋ ءىس-شاراسى اياسىندا الماتى قالاسىنىڭ پوليسەيلەرى 1988 جانە 1990 جىلعى جىگىتتەردىڭ زاڭسىز ارەكەتتەرىن انىقتادى، دەپ حابارلايدى Almaty-akshamy.kz.
اعايىندى ەكى جىگىت اۋلالارىندا 100-گە جۋىق ماريحۋانا بۇتاسىن وسىرگەن.
«باستاپقىدا جەدەل جانە ارنايى ءىس-شارالار كەشەنى جۇرگىزىلدى. جەدەل اقپارات راستالدى. كۇدىكتىلەر ۇستالدى. ەر ادامدار الماتى قالاسىنىڭ الاتاۋ اۋدانىندا ورنالاسقان ءوز ءۇيىنىڭ اۋلاسىندا ماريحۋانا وسىرگەنى انىقتالدى. باقشادان، سوت-حيميالىق ساراپتاماعا سايكەس، جالپى سالماعى 24 كەلى 300 گرامم بولاتىن 98 ءتۇپ جابايى قاراسورا تاركىلەندى. بۇل فاكت بويىنشا سوتقا دەيىنگى تەرگەۋ باستالدى، ونىڭ بارىسىندا جاستار قانداي ماقساتتا تىيىم سالىنعان ءشوپتى وسىرگەنى انىقتالاتىن بولادى»، – دەدى الماتى قالالىق پوليسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.