اعاشتاردى زاڭسىز كەسكەندەر جاۋاپقا تارتىلادى
مەدەۋ اۋدانىنداعى كەرەي-جانىبەك حاندار كوشەسىندە زاڭسىز كەسىلگەن قاتىستى پوليسيا قىلمىستىق ءىس قوزعادى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، الماتىلىقتار كەرەي-جانىبەك حاندار كوشەسى بويىنداعى 300 ءتۇپ اعاشتىڭ زاڭسىز كەسىلگەنىن ايتىپ شاعىمدانعان بولاتىن.
«الماتى قالالىق پوليسيا دەپارتامەنتى بۇل فاكت ق ر قىلمىستىق كودەكستىڭ 340-بابى 1-بولىگى (اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلايدى. ءتيىستى ساراپتاما تاعايىندالدى، ونىڭ قورىتىندىسى بويىنشا پروسەسسۋالدىق شەشىم قابىلدانادى. تەرگەۋدى مەدەۋ اۋداندىق پوليسيا باسقارماسى جۇرگىزىپ جاتىر»، - دەپ حابارلادى قالالىق پوليسيا دەپارتامەنتىنىڭ باسپا ءسوز قىزمەتى.
كەسىلگەن اعاشتاردىڭ تۇقىمى مەن تۇرلەرى ءالى انىقتالعان جوق. بوتانيكالىق باقتىڭ زەرتتەۋ ناتيجەلەرى 3-5 كۇننەن كەيىن بەلگىلى بولادى.
الدىن الا بولجام بويىنشا، ول جەردە قازاقستاننىڭ "قىزىل كىتابىنا" ەنگىزىلگەن سيۆەرس الما اعاشتارى كەسىلگەن.