كومىر جانە كوممۋنالدىق قىزمەت قىمباتتامايدى

باعا وسپەيدى

ەرتىس وڭىرىندە كوممۋنالدىق قىزمەت پەن تۇرمىستىق قاجەتتىلىكتەگى كومىر باعاسى وسپەيتىن بولدى، دەپ حابارلايدى Almaty-akshamy.kz

باعا وتكەن جىلعى كورسەتكىشكە سايكەس بولماق. سالا ماماندارىنىڭ حابارلاۋىنشا، وسىنداي كەلىسىمگە ەنەرگيا تاراتۋشى ۇيىمدار كەلگەن. ال ايماقتىڭ تۇرعىن ۇي-كوممۋنالدىق قىزمەت وكىلدەرى حالىقتى كومىرمەن قامتيتىن كاسىپورىندارمەن مەموراندۋمعا قول قويعان.

ماقسات - ىشكى نارىقتاعى قاتتى وتىندى قىمباتتاتپاۋ جانە ءوندىرىس كولەمىن ازايتپاۋ. قازىرگى ۋاقىتتا نارىقتاعى قاتتى وتىن باعاسى تۇراقتالعان. تاپشىلىق جوق. كەنىشتەن شىعارىلاتىن كومىردىڭ ءبىر تونناسىنىڭ باعاسى 7500 تەڭگەنى قۇرايدى.

تاسىمالداۋ شىعىندارى ەسەپكە الىنسا، 8 مىڭنان 20 مىڭ تەڭگە ارالىعىندا ساقتالادى. بۇل - وتكەن جىلعى كورسەتكىش. اتالعان ماسەلە قالا-اۋدان اكىمدەرىنىڭ ءجىتى باقىلاۋىندا بولماق.

سونىمەن قاتار، نارىقتاعى باعا بويىنشا مونيتورينگ تۇراقتى جۇرگىزىلەدى.

باعانى نەگىزسىز كوتەرۋ دەرەكتەرى تىركەلسە، قاتاڭ جازا قولدانىلماق.

– كومىر ءوندىرىسى سۇرانىسقا ساي ۇلعايىپ كەلەدى. وبلىس سۇرانىسى بويىنشا بىلتىر 105 مىڭ توننا قاتتى وتىن شىعارىلدى. بۇل – بۇرىن-سوڭدى بولماعان كورسەتكىش. وندىرىستىك قۋاتتىلىعىمىزدى ارتتىرۋعا مۇمكىندىك بار. ال باعا وزگەرمەيدى. ماسەلەن، ەكى جىل بۇرىن تەمىرجول بويىن تاسىمالداناتىن كومىردىڭ تونناسى 7600 تەڭگە كولەمىندە بولسا، بيىل 6335 تەڭگەگە ارزانداتىلدى، - دەدى كومىر ءوندىرۋشى كاسىپورىن باسشىسى نۇرلان احمەتبايەۆ.