سوڭعى كەزدە الەۋمەتتىك جەلىلەردە وسىنداي اقپارات تاراپ جاتىر.
ق ر ەڭبەكمينى سىياقى تولەۋ ارقىلى ازاماتتارعا ەشقانداي ساۋالناما جۇرگىزبەيتىنىن مالىمدەدى، دەپ حابارلايدى Almaty-akshamy.kz مينيسترلىككە سىلتەمە جاساپ.
ق ر ەڭبەك جانە حالىقتى الەۋمەتتىك قورعاۋ مينيسترلىگى حالىققا ونلاين ساۋالناما جۇرگىزىپ، كەيىننەن 50 000 تەڭگە مولشەرىندە سىياقى تولەيتىنى تۋرالى مەسسەندجەرلەر مەن الەۋمەتتىك جەلىلەردە تاراتىلىپ جاتقان اقپارات شىندىققا جاناسپايدى.
ازاماتتارعا الاياقتار مۇنداي حابارلامالاردى جەكە اككاۋنتتار مەن بانكتىك شوتتارعا قول جەتكىزۋ ءۇشىن قولدانۋى مۇمكىن ەكەنىن ەسكەرتەمىز. ەشقاشان كۇماندى سىلتەمەلەرگە وتپەڭىز جانە الاياقتىقتىڭ قۇربانى بولماس ءۇشىن جەكە مالىمەتتەرىڭىزدى قالدىرماڭىز.
ازاماتتاردان جالعان اقپاراتقا نازار اۋدارماۋدى جانە اقپاراتتى تەك رەسمي كوزدەردەن عانا الۋدى سۇرايمىز.
جالعان اقپاراتتى تاراتۋ زاڭ بويىنشا جازالاناتىنىن ەسكە سالامىز.