الاتاۋ اۋدانىنداعى شىڭقوجا باتىر كوشەسىندەگى سۋ جينالعان شۇڭقىر كۇننەن-كۇنگە ۇلعايىپ كەلەدى.
الماتى قالاسى الاتاۋ اۋدانىنداعى كوشەگە سۋ قۇبىرلارى جۇرگىزىلىپ، جول سالىنعان، الايدا قۇرىلىس جۇمىستارى ساپاسىز بولىپ شىققان، دەپ حابارلايدى Almaty-akshamy.kz ءتىلشىسى.
الاتاۋ اۋدانىنداعى شىڭقوجا باتىر كوشەسىنە 2019 جىلدىڭ اياعىندا سۋ قۇبىرلارى جۇرگىزىلىپ، جول سالىنعان ەدى. سول كەزدە كوشە تۇرعىندارى جاعدايىمىز جاقساراتىن بولدى دەپ بوركىن اسپانعا اتىپ قۋانعان بولاتىن. الايدا تۇرعىنداردىڭ بۇل قۋانىشى ۇزاققا بارمادى.
وتكەن جىلى الگى جۇرگىزىلگەن قۇبىردان سۋ كەتىپ، سول ماڭاي كادىمگىدەي كولشىككە اينالعان. سالىنعان جول دا اياقسىز قالدى. قۇبىر جارىلعاندا اۋىل تۇرعىندارى دابىل قاعىپ، قۇزىرلى ورىندارعا حابارلاسىپ تا كورگەن. الايدا كوپشىلىكتىڭ ءوتىنىشى ءالى كۇنگە دەيىن ورىندالار ەمەس. جۇمىستى ساپاسىز جۇرگىزگەن مەردىگەر كومپانيالاردىڭ ۇستىنەن اكىمشىلىككە شاعىمدانعانمەن، ەشتەڭە شىقپاي وتىر. بۇگىندە سۋ جينالعان شۇڭقىر كۇننەن-كۇنگە ۇلعايىپ كەلەدى.
«يت پەن بالا قورىعان جەرگە ءوش» دەمەكشى، اۋىل بالالارى تۋرا سول جەرگە بارىپ وينايتىن بولدى. بىردە بولماسا، بىردە ۇڭگىپ اققان سۋدىڭ ۇڭعىسى ۇلكەيىپ، بالالار سۋعا ءتۇسىپ كەتە مە دەپ الاڭداپ وتىرمىز. ايتىڭىزدارشى، بۇل جۇمىستارعا جاۋاپتى كىم، كىمگە شاعىمدانامىز؟»، – دەيدى اۋىل تۇرعىندارى.