الماتى اكىمدىگى ق ر تاۋەلسىزدىگىنىڭ 30 جىلدىعىن مەرەكەلەۋ اياسىندا ب ا ق اراسىندا بايقاۋ جاريالادى
ءار نوميناسيا بويىنشا جەڭىمپازدار باعالى سىيلىقتارمەن ماراپاتتالادى.
الماتى قالاسىنىڭ اكىمدىگى قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا بۇقارالىق اقپارات قۇرالدارىنىڭ وكىلدەرى اراسىندا مەگاپوليستى دامىتۋ تاقىرىبىن ۇزدىك جاريالاۋعا كونكۋرس وتكىزەتىندىگىن حابارلايدى. ب ا ق قىزمەتكەرلەرى كۇنىنە وراي قورىتىندى جاسالادى، دەپ حابارلايدى Almaty-akshamy.kz.
اعىمداعى جىلى، ونىڭ ىشىندە قالانىڭ پاندەميامەن جالعاسىپ جاتقان كۇرەسىن ەسكەرە وتىرىپ، كەلەسى نوميناسيالار انىقتالدى:
«تاۋەلسىزدىك كەزەڭىندەگى الماتىنىڭ دامۋى تۋرالى ۇزدىك ماتەريال»؛
«الماتى-2050" ستراتەگياسى اياسىندا جاڭا جۇيەلى شارالار مەن مەگاپوليستىڭ دامۋ قارقىنى تۋرالى ۇزدىك ساراپتامالىق ماتەريال»؛
«پاندەميا كەزىندەگى العى شەپتەگى جۇمىس تۋرالى ۇزدىك ماتەريال (دارىگەرلەر مەن مەديسينا قىزمەتكەرلەرى، پوليسيا قىزمەتكەرلەرى جانە ت. ب)»؛
«الەۋمەتتىك جوبالار تۋرالى ۇزدىك ماتەريال (حالىقتى الەۋمەتتىك قولداۋ شارالارىن كورسەتۋ، ۆولونتەرلەر جۇمىسى، جۇمىسپەن قامتۋ جانە ت. ب)»؛
«حالىقتى COVID-19-عا قارسى ۆاكسيناسيالاۋدىڭ ماڭىزدىلىعى تۋرالى ەڭ جاقسى ماتەريال»؛
«پاندەميامەن كۇرەسۋدىڭ ناقتى تاريحى تۋرالى ەڭ جاقسى دەرەكتى / اۆتورلىق ماتەريال".
كونكۋرستا اعىمداعى جىلدىڭ باسىنان باستاپ باق-تا جاريالانعان ءارتۇرلى فورماتتاعى ماتەريالدار (جاڭالىقتار سيۋجەتتەرى، ماقالالار، تالدامالىق ماتەريالدار، رەپورتاجدار، بەينەروليكتەر، فوتورەپورتاجدار جانە ت.ب.) قارالاتىن بولادى. ءار نوميناسيا بويىنشا جەڭىمپازدار باعالى سىيلىقتارمەن ماراپاتتالادى.
كونكۋرسقا قاتىسۋ ءۇشىن ماتەريالداردى اعىمداعى جىلدىڭ 13 ماۋسىمىنا دەيىن قوسا العاندا وڭىرلىك كوممۋنيكاسيالار قىزمەتىنىڭ ەلەكتروندىق مەكەنجايىنا جىبەرۋ قاجەت: info@rsk.almaty.kz، slv-group.kz@mail.ru «كونكۋرسقا قاتىسۋ ءۇشىن» بەلگىسىمەن. وتىنىمدەردى رەداكسيا نەمەسە اۆتور اتىنان بەرۋگە بولادى. ءبىر اۆتور بىردەن بىرنەشە نوميناسياعا قاتىسا الادى، ءبىراق ءبىر نوميناسيادا 3 ماتەريالدان اسپايدى. بايقاۋ جۇمىستارى مەملەكەتتىك جانە ورىس تىلدەرىندە قابىلدانادى.
ناتيجەلەردى مەديا جانە جۋرناليستيكا سالاسىنداعى تاۋەلسىز ساراپشىلار كىرەتىن ارنايى بايقاۋ كوميسسياسى شىعارادى.
سۇراقتار بويىنشا، كەلەسى نومىرلەر بويىنشا بايلانىسۋعا بولادى:
+7 (708) 973 46 55، +7 (708) 970 75 48.