الماتىدا تازارتۋ جۇمىسى تۇراقتى ءجۇرىپ جاتىر

كوشەلەردى تازارتۋ ىسىنە 835 ارنايى تەحنيكا، ونىڭ ىشىندە 255 سۋارۋ ماشيناسى، 57 تروتۋار تازالاعىش، 159 تراكتور، سونداي-اق 1433 جول جۇمىسشىسى جۇمىلدىرىلعان.

قازىرگى كەزدە الماتى قالاسىنىڭ اۋماعىن تازارتۋ بويىنشا اۋقىمدى جۇمىستار جۇرگىزىلۋدە. قالا كوشەلەرى، تروتۋارلار جۋىلۋدا، كوپشىلىك پايدالاناتىن جەرلەر، ارىقتار سانيتارلىق تازارتۋدان وتۋدە، دەپ حابارلايدى Almaty-akshamy.kz.

قاتتى جاۋىن-شاشىن كەزىندە سۋدىڭ كەدەرگىسىز اعىپ كەتۋىن ۇيىمداستىرۋ ءۇشىن ارىقتار جانە جولدىڭ قوزعالىس بولىگىنىڭ استىنداعى ارىق وتكەلدەرى تازارتىلۋدا. جالپى، 1 161،7 كم تازارتىلدى. 27 مىڭ م3 قوقىس پەن لاي سىرتقا شىعارىلدى.

1 ماۋسىمداعى جاعداي بويىنشا، 43،7 كم بولاتىن جول بويىنداعى شوپتەر ورىلدى. بۇل ىسكە 124 ءشوپ شاباتىن جانە گازون وراتىن تەحنيكا جۇمىلدىرىلدى.
سانيتارلىق تازارتۋ جونىندەگى «بىرگە تازا قازاقستان» رەسپۋبليكالىق اكسياسى اياسىندا 2021 جىلعى 5 ماۋسىمدا الماتى قالاسىنىڭ بارلىق سەگىز اۋدانىندا كوممۋنالدىق مەردىگەرلەردىڭ قاتىسۋىمەن سەنبىلىك ۇيىمداستىرىلادى، وعان 80 تەحنيكا بىرلىگى، 370 ادام جۇمىلدىرىلادى. وسى اكسيا اياسىندا ستيحيالىق قوقىستار الىنادى، رەكرەاسيالىق ايماقتار، بوس جەرلەر تازارتىلادى.

كوروناۆيرۋس ينفەكسياسىنىڭ تارالۋىنىڭ الدىن الۋ ءۇشىن، «الماتى تازالىق» مكك 8 ساۋىردەن باستاپ 1933 قوعامدىق كولىك ايالدامالارىن، سونداي-اق جاياۋ جۇرگىنشىلەر ايماقتارى مەن تروتۋارلاردى اپتاسىنا 2 رەت دەزينفەكسيالاۋدا. كۇن سايىن 500 مىڭ م2 تروتۋار مەن 50 مىڭ م2-نان استام ايالدامانى دەزينفەكسيالاۋ ءۇشىن شامامەن 115 مىڭ ليتر ەرىتىندى قولدانىلادى. بۇل ىسكە 29 تەحنيكا بىرلىگى، 20 دەزينفەكسيالاۋشى جۇمىلدىرىلدى.

اۋدان اكىمدىكتەرى كەستەگە ساي اپتاسىنا ەكى رەت ساياباقتاردى، سكۆەرلەردى، جەراستى جانە ءۇستى جۇرگىنشى وتكەلدەرىن جانە حالىق كوپ جينالاتىن ورىنداردى دەزينفەكسيالايدى.

زارارسىزداندىرۋ جۇمىستارىن كۇن سايىن 38 ارنايى تەحنيكا بىرلىگى جانە 96 دەزينفەكسيالاۋشى جۇرگىزەدى.