كولسايدىڭ عاجايىپ مۇزى
الماتىلىق مانەرلەپ سىرعاناۋشى كسەنيا پانكراتوۆا كولسايدا كونكي تەۋىپ، تاعى دا كوپشىلىكتىڭ ىقىلاسىنا بولەندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كسەنيا پانكراتوۆا سىرعاناعان ءساتىن Instagram پاراقشاسىندا جاريالاپ، «كولسايدىڭ عاجايىپ مۇزى»، دەگەن جازۋ قالدىردى.
جەلى قولدانۋشىلارى ۆيدەو استىنا «عاجايىپ»، «سونداي ادەمى»، «ءساندى ۆيدەو»، «تاماشا»، «ادەتتەگىدەي تەڭدەسسىز»، «قازاقستاننىڭ تۋىن الىپ سىرعاناعاندا ودان دا كەرەمەت بولار ەدى»، «ەرتەگىدەگىدەي»، - دەگەن پىكىر قالدىرىپ، جىلى لەبىزدەرى جەتكىزىپ، تاڭقالىستى.
ايتا كەتسەك، بيىل جىل باسىندا كسەنيا پانكراتوۆا مۇز قاتقان قاپشاعاي سۋ قويماسىندا قىزىل كويلەكپەن سىرعاناپ، جەلى قولدانۋشىلارىنىڭ كوزايىمىنا اينالعان ەدى.
سونداي-اق، ءساۋىر ايىندا مانەرلەپ سىرعاناۋشى باياناۋىلدىڭ سۇلۋلىعىن كورسەتىپ، جەلىدەگىلەردى تاعى قۋانتتى.
ەسكە سالساق، سپورتشى، باپكەر كسەنيا پانكراتوۆا ۇلكەن الماتى كولىندە مانەرلەپ سىرعاناپ، 2018 جىلدان باستاپ، كوپشىلىكتىڭ كوڭىلىنەن شىعا باستاپ ەدى.