شاھاردا كوروناۆيرۋستىڭ قانداي شتامى تارالىپ جاتقانى بەلگىسىز
قىتايدىڭ سيان قالاسىندا (شەنسي پروۆينسياسى) كەشە كوروناۆيرۋس جۇقتىرۋدىڭ 158 دەرەگى تىركەلدى، دەپ حابارلايدى Almaty-akshamy.kz inbusiness.kz پورتالىنا سىلتەمە جاساپ.
قحر دەنساۋلىق ساقتاۋ مەملەكەتتىك كوميتەتىنىڭ مالىمەتىنشە، 158 دەرەكتىڭ 155ء-ى جاڭا بولىپ سانالادى. تۇرعىندار ۆيرۋستى شەتەلدە ەمەس، ەلدە جۇقتىرعان.
«قالادا قاتاڭ كارانتين شەكتەۋىنىڭ ەنگىزىلگەنىنە قاراماستان كورونيۆيرۋس جۇقتىرۋ دەرەگى ءوسىپ جاتىر: بەيسەنبىدە – 49 دەرەك، جۇمادا – 75 دەرەك»، - دەپ جازىلعان حابارلامادا.
جۇڭگو بيلىگى سياندا كوروناۆيرۋستىڭ تارالۋىن بولدىرماۋ ءۇشىن ىشكى رەيستەردى توقتاتقان، پويىزدار مەن قالاارالىق كولىكتەردىڭ جۇرۋىنە شەكتەۋ قويعان. تۇرعىندار شۇعىل جاعداي بولماسا، ۇيدەن شىقپاۋى كەرەك. ازىق-تۇلىك پەن قاجەت تاۋارلاردى ساتىپ ءالۇ ءۇشىن وتباسىنىڭ ءبىر مۇشەسى عانا دۇكەنگە بارا الادى. تۇرعىندارعا ەكى كۇندە ءبىر رەت دۇكەنگە بارۋعا رۇقسات بەرىلگەن.
قحر دەنساۋلىق ساقتاۋ مەملەكەتتىك كوميتەتى تاراتقان حابارلامادا سياندا كوروناۆيرۋستىڭ قانداي شتامى تارالىپ جاتقانى جازىلماعان.
بۇگىندە قىتايدا وميكرون شتامىن جۇقتىرۋدىڭ 7 دەرەگى تىركەلگەن: 4 دەرەك گۋانچجوۋ قالاسىندا (گۋاندۋن پروۆينسياسى)، ەكەۋى چانشا قالاسىندا (حۋنان پروۆينسياسى) جانە ءبىر دەرەك تيانسزين قالاسىندا.
ءتارتىپتى تەكسەرۋ جونىندەگى ورتالىق كوميسسيا سياندا كورونيۆيرۋستىڭ الدىن الۋ جانە باقىلاۋ سالاسىندا دۇرىس جۇمىس ىستەي الماعانى ءۇشىن 26 شەنەۋنىكتىڭ جاۋاپقا تارتىلعانىن حابارلادى.
جۇڭگو بيلىگى 2022 جىلعى 4-20 اقپانىنا جوسپارلانعان بەيجىڭدەگى قىسقى وليمپيادا ويىندارىنىڭ جاقىنداۋىنا بايلانىستى COVID-19 ۆيرۋسىنىڭ تارالۋىنا الاڭداپ وتىر.