قايىڭدىدا تۋريستتەردى تاسىپ جۇرگەن ەكى كولىكتەر اۋدارىلىپ كەتكەن.
بۇل ماسەلە توڭىرەگىندە بۇعان دەيىن بىرنەشە رەت كوتەرىلگەن بولاتىن، دەپ حابارلايدى اlmaty-akshamy.kz.
بۇعان دەيىن تۋريستىك ورىننىڭ قوردالانعان ماسەلەسىن كوتەرگەن جۋرناليست دياس نۇراقىن الەۋمەتتىك جەلى ارقىلى تاعى دا ءتيىستى ورىندارعا ەسكەرتۋ جاسادى.
قايىڭدىداعى جول اپاتىنان جاپا شەككەندەر سانى 35 ادام ەكەن. 34 ناۋقاستىڭ كەيبىرى 150 شاقىرىم جەردەگى شەلەك اۋرۋحاناسىنا، كوبى 300 شاقىرىم جەردەگى وبلىستىق اۋرۋحاناعا جەتكىزىلگەن. تەك ءبىر ادام كەگەن اۋداندىق اۋرۋحاناسىنا جاتقىزىلىپتى. كەگەندەگى اۋرۋحانا جوندەۋدەن وتكەن، قۇرال-جابدىقتارى تۇگەل بولسا نەگە ناۋقاستاردى الىسقا تاسىدى ەكەن؟ وتكەندە جىلان شاققان بالاعا ۋعا قارسى ءدارى تابا الماي ءولتىرىپ العان اقحالاتتىلار، جول اپاتىنا تۇسكەندەرگە مەد كومەك كورسەتۋگە دارمەنسىز بولدى ما؟
جول اپاتىنان زارداپ شەككەن 35 ادامنىڭ بەسەۋى شەتەلدىك تۋريستەر ەكەن. ۇشەۋى ءۇندىستان، ەكەۋى رەسەيدەن كەلگەن. قازاقتىڭ جەرىن كورەمىز دەپ كەلىپ، قايعىلى جاعدايعا دۋشار بولعاندار ءۇشىن مەن ۇيالىپ وتىرمىن. ويتكەنى ءتۋريزمدى دامىتامىز، ەلگە تۋريست تارتامىز دەپ كوپىرگەنىمىزبەن، دەمالۋشىلاردى ءالى كۇنگە ەسكى ۋاز، پاز كولىكتەرىمەن تاسىپ ءجۇرمىز. ءبىراق تاسىمالداۋ قۇنى "مايباح"، "گەلەندۆاگەننەن" كەم ەمەس. مىنا تۇرىمىزبەن ءبىزدىڭ ەلگە ءبىر كەلگەن ادام ەكىنشى جولامايتىنداي بولادى. ق ر تۋريزم جانە سپورت مينيسترلىگى قۇلاقتارىڭىزعا بريلليانت سىرعا.
كەشەلى بەرى پاراقشام اۋدان دارىگەرلەرىنىڭ اتاكاسىنا ۇشىراپ جاتىر. "بەس ساعات بويى تىك تۇرىپ كومەك كورسەتكىنىمىزدى قالاي جوققا شىعاراسىز؟، جالعان اقپارات تاراتپاڭىز، ءسىز ول جەردە بولعان جوقسىز"-دەگەن سىڭايداعى كوممەنتتەردى بۇرقىراتىپتى. اينالايىندار-اۋ، سىزدەردىڭ ناۋقاستارعا كومەك بەرگەندەرىڭىزدى ەشكىم جوققا شىعارمايدى. ماسەلە مەد كومەك دەر كەزىندە بولدى ما؟ كەز-كەلگەن اپاتتا جاپا شەككەندەرگە العاشقى ءبىر ساعاتتا ساپالى مەديسينالىق كومەك كورسەتىلسە، ول ادامنىڭ ءتىرى قالۋى 90 پايىزعا ارتادى ەكەن. قايىڭدىدا قىرىلىپ قالا جازداعان تۋريستەرگە 15-20 سكورىي كەلگەنىن بىلەمىن. ءبىراق ولار شونجىدان، شەلەكتەن، تالعاردان جەتكەنشە كەمى ەكى ساعات ۋاقىت كەتتى عوي. ناۋقاستاردى اۋرۋحاناعا اپارعانشا تاعى بىرنەشە ساعات جول ءجۇردى. ونسىز دا اياق-قولى سىنىپ، جانى قينالىپ، اۋىرسىنىپ جاتقان ادامعا ءتورت ساعات دارىگەرلىك كومەكتى كۇتۋ وتە اۋىر. ءتىپتى "بوليەۆوي شوكتان" ءولىپ كەتۋى دە مۇمكىن ەدى كەيبىرى. سوندىقتان مەن تۋريستىك ايماقتا اۋرۋحانا بولسىن دەگەن تالاپ قويىپ وتىرمىن. جالاڭاشتاعى بۇرىنعى اۋرۋحانا عيماراتىنا بيىل 900 ملن تەڭگەگە جوندەۋ جاساپ، ساناتوريي اشتى. حالىققا شيپاجاي ەمەس اۋرۋحانا كەرەك. حالىق سانى از دەگەن جەلەۋدى قويۋ كەرەك. جىلىنا كولساي مەن قايىڭدىعا 500 مىڭ تۋريست كەلەدى. ولار بىردەڭەگە ارانداسا تىركەۋى جوق دەپ قاراۋسىز قالدىرامىز با؟
P.S. قايىڭدىدا جول اپاتى بولىپ، ءبارى سونىمەن جۇرگەندە ساتى اۋىلىنىڭ جولىنداعى قىرقوبى اسۋىندا تاعى ءبىر اپات بولىپتى. اۋىر جۇك كولىگىنىڭ تەجەگىشى ىستەن شىعىپ، تاۋدان تومەن قاراي قۇلديلاعان. جۇرگىزۋشى جانساۋعالاپ كابينادان سەكىرىپ كەتكەن ەكەن. ءبىراق ءتىرى قالماپتى. ول كىسى دە كوز جۇمدى دەگەن اقپارات جەتتى. كولساي مەن قايىڭدىدان كۇرەپ اقشا تابامىز دەپ قاۋىپسىزدىكتى ۇمىتتىق دەگەن وسى؟!، -دەپ جازدى جۋرناليست.
PS: بەلگىلى جۋرناليست دياس نۇراقىن بولعان وقيعاعا قاتىستى قوسىمشا اقپارات بەردى. قايىڭدىداعى ءىرى جول اپاتى تۋرالى قوسىمشا اقپارات. پازيك اۆتوبۋسى مەن بۋحانكا ۋاز سوقتىعىسقان. بىرىندە "بانان تۋر"، ەكىنشى كولىكتە "ساياحاتتايىق" دەگەن كومپانيانىڭ تۋريستەرى بولىپتى. بارلىعى 34 ادام. سونىڭ بىرەۋى ءولىپ، 20-سى جارالانعان. ون تۋريست اسا اۋىر حالدە ەكەن. ولاردى سول باياعى سالدىر-سالاق ۋازيكتەرمەن، اۋىلداعى تاكسيستەرمەن جالاڭاشتاعى، كەگەندەگى اۋرۋحانالارعا جەتكىزگەن. دەر كەزىندە مەديسينالىق كومەك كورسەتىلگەن جوق. سۇيەك-ساياعى شاشىلىپ قالعان ادامدى ويدىم-ويدىم قايىڭدىنىڭ جولىمەن الىپ تۇسكەنشە شىرقىراعان جان داۋىسى شىققان شىعار، ناۋقاستاردىڭ؟!