الماتىدا كوشى-قون زاڭناماسىن بۇزعانى ءۇشىن ۇستالعان وزبەكستان مەن تاجىكستاننىڭ 48 ازاماتى ەلدەرىنە جەتكىزىلدى.
وسى ماقساتتا الماتى پوليسياسى مەملەكەتتىك شەكاراعا دەيىن جەتۋ ءۇشىن اۆتوبۋسپەن قامتاماسىز ەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇعان دەيىن بىرنەشە رەت حابارلانعانداي، وسى كۇندەرى قالادا قر-دا زاڭسىز جۇرگەن شەتەلدىكتەردى انىقتاۋعا جانە زاڭسىز كوشى-قون ارنالارىنىڭ جولىن كەسۋگە باعىتتالعان “زاڭسىز كەلۋشى” جەدەل الدىن الۋ ءىس-شاراسى جۇرگىزىلىپ جاتىر.
«ءىس-شارانىڭ ءۇش كۇنىندە قازاقستاننىڭ كوشى-قون زاڭناماسىن بۇزعانى ءۇشىن 464 شەتەلدىك جاۋاپقا تارتىلسا، ولاردىڭ 88ء-ى سوت شەشىمىمەن ەلدەن شىعارىلدى. جەكە باسىن كۋالاندىراتىن قۇجاتى جوق تاعى 237 شەتەل ازاماتى پد-نىڭ قابىلداپ-تاراتۋىنا ورنالاستىرىلدى. سونىمەن قاتار شەتەلدىكتەردىڭ قازاقستان رەسپۋبليكاسىندا زاڭدى بولۋىن قامتاماسىز ەتپەگەن 128 وتانداسىمىزعا قاتىستى اكىمشىلىك شارا قولدانىلدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.