ىشكى تۋريزم نارىعى قالاي داميدى، قازاقستاننىڭ ايگىلى كولدەرىندە كاسىبي گيدتەردىڭ جۇمىسى قالاي جۇرگىزىلىپ جاتقانىن الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا «كولساي كولدەرى» ۇلتتىق تابيعي پاركى ديرەكتورىنىڭ ورىنباسارى حاميت احمەتوۆ ايتتى، دەپ حابارلايدى almaty-akshamy.kz
ونىڭ ايتۋىنشا، شەتەلدىك تۋريستەر ءۇشىن ەكسكۋرسيا جۇرگىزۋگە دايىن كاسىبي گيدتەردىڭ جەتىسپەۋشىلىگى بايقالمايدى.
«شەتەلدىك تۋريستەردىڭ باسىم بولىگى «كولساي كولدەرى» ۇلتتىق پاركىنىڭ اۋماعىنا الماتى قالاسىنان تۋرفيرمامەن كەلەدى، ياعني ءاربىر تۋرفيرمادا دايىندالعان كاسىبي گيد پەن ەكسكۋرسوۆود بار، ونىڭ نەگىزگى مىندەتى شەتەلدىك ءتۋريستتى ەرتىپ ءجۇرۋ. تيىسىنشە، تۋريستىك فيرمالار ۇلتتىق پاركپەن تۋريستەرگە، ونىڭ ىشىندە شەتەلدىك تۋريستەرگە قىزمەت كورسەتۋ تۋرالى شارت جاساسادى. جالپى، «كولساي كولدەرى» ۇلتتىق ساياباعىندا تۋريزم ءبولىمى جۇمىس ىستەيدى، ونىڭ شتاتىندا تۋريزم ماماندارى مەن شەت تىلدەرى كۋرستارىندا وقيتىن گيدتەر بار»، - دەدى ول.
حاميت احمەتوۆ جۋرناليستەردىڭ سۇراقتارىنا جاۋاپ بەرە وتىرىپ، تۋريستىك ماۋسىمنىڭ قانداي بولاتىنى كوبىنەسە اۋا-رايىنا بايلانىستى ەكەنىن ءتۇسىندىردى.
«ەگەر جاز جاڭبىرلى جانە جاۋىن-شاشىندى بولسا، سايكەسىنشە تۋريستەر اعىنى از بولادى. مۇنىڭ ءبارى اۋا-رايىنا بايلانىستى. جالپى ۇلتتىق پارك اۋماعىنداعى ىشكى تۋريزم نارىعى جىل سايىن دامىپ كەلەدى.تۋريستىك سوقپاقتاردىڭ كەڭەيۋىنە بايلانىستى ۇلتتىق پاركتىڭ بۇكىل اۋماعىندا بارلىق باسقا كولدەردى قامتيتىن 7 تۋريستىك مارشرۋت بار»، - دەدى ۇلتتىق پارك ديرەكتورىنىڭ ورىنباسارى.
قارجىلاندىرۋدىڭ تۇسۋىنە قاراي ۇلتتىق پارك رەكرەاسيالىق جۇكتەمەنى ەسكەرە وتىرىپ، تۋريستىك مارشرۋتتاردى قوسىمشا جايلاستىراتىن بولادى.