فينليانديا ورمان ونەركاسىبىنىڭ ەل ەكونوميكاسىندا سۇبەلى ورنى بار، ورمان رەسۋرستارىنا ەڭ باي ەل. فينليانديا ورمانداردى سەرتيفيكاتتاعان العاشقى ەل. اعاش كەسۋ تەحنيكاسى، ءوندىرىسى، وڭدەۋى دامىعان جەكە ورمان شارۋاشىلىعىنىڭ كوشباسشىسى.
ق ر ەكولوگيا جانە تابيعي رەسۋرستار ءمينيسترى ە. ن.نىسانبايەۆتىڭ، فين دەليگاسياسىنىڭ، سونداي-اق عىلىمي قوعامداستىق، قازاقستاندىق بيزنەس سەكتورى جانە ۇكىمەتتىك ەمەس ۇيىمدار وكىلدەرىنىڭ قاتىسۋىمەن «ورمانداردى تۇراقتى باسقارۋ جونىندەگى قازاقستان-فين فورۋمى» ءوتتى، دەپ حابارلايدى Almaty-akshamy.kz.
ەكولوگيا جانە تابيعي رەسۋرستار مينيسترلىگىنىڭ مالىمەتىنە ساي، فينليانديا ورماندارى ەل اۋماعىنىڭ، شامامەن، 76%-ىن الىپ جاتىر جانە فينليانديانىڭ ورمان ءوسىرۋ جونىندەگى ءىس-شارالاردى جانە اعاش دايىنداۋدىڭ دامىعان جۇيەسىن وتكىزۋدەگى تاجىريبەسى ءبىزدىڭ ەلىمىز ءۇشىن پايدالى.
ءبىزدىڭ ەلىمىزدىڭ مەملەكەتتىك ورمان قورىنىڭ جالپى اۋدانى – 30،9 ملن. گا قۇرايدى جانە رەسپۋبليكا اۋماعىنىڭ 11،3%-ىن الىپ جاتىر. تاۋەلسىزدىك جىلدارى ورمان قورىنىڭ اۋدانى – 6،4 ملن.گەكتارعا (25%) ۇلعايدى.
«بونن شاقىرۋىنىڭ ماقساتتارىنا قول جەتكىزۋ ءۇشىن ءبىز 2021 جىلدان باستاپ ورمانداردى مولىقتىرۋ جانە ورمان ءوسىرۋ كولەمىن جىل سايىن 10 مىڭ گەكتارعا ۇلعايتۋعا مىندەتتەندىك، ناتيجەسىندە بۇل 1،5 ملن. گەكتاردى قۇرايدى»، - دەدى ن.ق.شاربييەۆ.
وسى باعىتتا قازاقستان رەسپۋبليكاسى پرەزيدەنتىنىڭ باستاماسى بويىنشا رەسپۋبليكا اۋماعىنداعى ورمانداردى ۇلعايتۋ ماقساتىندا 2021 جىلدان 2025 جىلعا دەيىن مەملەكەتتىك ورمان قورىنا 2 ملرد. سەپپەلەر وتىرعىزىلادى.
«قازاقستان مەن فينليانديا اراسىندا ينۆەستيسيالىق ىنتىماقتاستىقتى ارتتىرۋ جانە ءوزارا ساۋدانى ۇلعايتۋ بويىنشا ۇلكەن مۇمكىندىكتەر بار. ءبىز بارلىق باعىتتار بويىنشا ءوزارا ءتيىمدى ىنتىماقتاستىقتى تەرەڭدەتۋگە جانە نىعايتۋعا نيەتتىمىز»، - دەدى ق ر ەكولوگيا جانە تابيعي رەسۋرستار ءمينيسترى ە. ن.نىسانبايەۆ فينليانديانىڭ حالىقارالىق ساۋدا جونىندەگى مەملەكەتتىك حاتشىسىنىڭ ورىنباسارى يارنو سىريالامەن ەكىجاقتى كەزدەسۋ بارىسىندا.
مينيستر، سونداي-اق، بيىل ەكى ەل اراسىنداعى ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسياعا 30 جىل تولاتىنىن اتاپ ءوتتى.
فورۋم ەلدەردىڭ اعاش وڭدەۋ ونەركاسىبىنىڭ دايىندىعى مەن الەۋەتى تۋرالى اقپارات الماسۋعا، سونداي-اق وسى باعىتتاعى حالىقارالىق ىنتىماقتاستىق مۇمكىندىگىن تالقىلاۋعا ارنالعان الاڭعا اينالدى.