الماتى قالاسى قاج دەپارتامەنتىنىڭ №11 مەكەمەسىندە كامەلەتكە تولماعان جازاسىن وتەۋشى جاسوسپىرىمدەر اراسىندا شاحماتتان تۋرنير ءوتتى.
الماتى قالاسى سپورت باسقارماسىنا قاراستى №8 وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنىڭ جەتەكشىسى سۆەتلانا لەونيدوۆنا، اعا ترەنەر اسىلحان قارايەۆ، سپورت ءبولىمىنىڭ ورىنباسارى ەرجان ابدۋگاپاروۆ قاتىسىپ، ماماندار شاحماتتان شەبەرلىك ساباعىن وتكىزدى.
شاحمات – اقىل-ويدى دامىتاتىن، ۇشتاي تۇسەتىن ەڭ تانىمدى دا قىزىقتى سپورت ويىنى. بۇل ويىنعا جازاسىن وتەۋشى جاسوسپىرىمدەر قىزىعۋشىلىقپەن قاتىستى.
شاحمات تاقتاسى ۇستىندەگى تارتىستى تۋرنير 5 تۋرمەن ءوتتى. جەڭىمپاز جسوسپىرىمدەرگە سىيلىقتار تابىس ەتىلدى. ال №8 وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنىڭ جەتەكشىسى سۆەتلانا روگوزوۆا وزدەرىمەن الا كەلگەن شاحماتتارىن تۇزەۋ مەكەمەسىنىڭ بالالارىنا تارتۋ ەتتى.
– ءبىز شاحمات ءتۋرنيرىن ۇيىمداستىرىپ قانا قويماي، بالالارعا بۇل سپورت ءتۇرىنىڭ ەرەكشەلىگىن، شىعۋ تاريحىن اڭگىمەلەپ، ءدارىس وتكىزدىك. شاحمات ويىنى ولاردىڭ ويلاۋ قابىلەتىن ارتتىرىپ، سەرگەك، زەردەلى بولۋعا كومەكتەسەتىنى ءسوزسىز، – دەيدى ادىلەت پودپولكوۆنيگى الما بازىلبايەۆا.