ق ر پرەمەر-مينيسترى ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا تۋريستەردىڭ ەلىمىزدە جايلى جانە ءقاۋىپسىز دەمالىسىن قامتاماسىز ەتۋ ماسەلەسى قارالدى.
ۇكىمەت وتىرىسى بارىسىندا ق ر تۋريزم جانە سپورت ءمينيسترى ەربول مىرزابوسىنوۆ ەلىمىزدىڭ تۋريستىك سالاسى جىل سايىن دامىپ، الەۋەتىن ارتتىرىپ كەلە جاتقانىن باياندادى، دەپ حابارلايدى aqshamnews.kz.
Cالا مينيسترلىگىنىڭ مالىمەتىنشە، 2024 جىلى وتاندىق تۋريستەر سانى 10،5 ملن؛ شەتەلدىك كەلۋشىلەر – 15،3 ملن تەڭگەنى قۇرادى. بۇگىنگى تاڭدا 87 مەملەكەت ءۇشىن ۆيزاسىز رەجيم قاراستىرىلعان، 107 شەت مەملەكەت ازاماتتارى ەلەكتروندى تۇردە ۆيزا راسىمدەۋ مۇمكىندىگىنە يە.
«مەملەكەت باسشىسى تۋريزم يندۋسترياسى ەكونوميكالىق ءوسىمنىڭ ماڭىزدى درايۆەرى ەكەنىن بىرنەشە رەت اتاپ ءوتتى. ءبىز قازاقستاننىڭ شەتەلدىك تۋريستەرگە دوستىق پەيىلى بار، ەمىن-ەركىن دەمالۋعا قولايلى ەل رەتىندە تارتىمدىلىعىن ارتتىرۋ ءۇشىن قاجەتتى جاعداي جاساۋىمىز كەرەك. بۇل باعىتتا اۋقىمدى جۇمىس اتقارىلۋدا. حالىقارالىق اۋە قاتىناستارىنىڭ، تەمىرجول جانە اۆتوكولىك باعىتتارىنىڭ گەوگرافياسى كەڭەيتىلۋدە. شەتەلدىك ازاماتتار ءۇشىن كوشى-قون راسىمدەرىن جەڭىلدەتۋ قولعا الىندى. كەلگەن قوناقتاردىڭ ەمىن-ەركىن ءارى ءقاۋىپسىز دەمالىسىنا ەرەكشە كوڭىل ءبولىنىپ وتىر. مىسالى، الماتى، شىعىس قازاقستان جانە جەتىسۋ وبلىستارىندا كورشىلەس ەلدەردەن كەلگەن تۋريستەردى قابىلداۋ جۇمىستارى جۇرگىزىلدى. بۇل تاجىريبەنى كەڭىنەن تاراتۋ قاجەت.
تۋريستىك ونىمدەردى ناقتى تۋريستىك توپتاردىڭ، اسىرەسە شەكارالاس وڭىرلەردەگى تۋريستەرگە بەيىمدەگەن ءجون»، — دەپ اتاپ ءوتتى ولجاس بەكتەنوۆ.