تالاپتاردى ورىنداماعان كوللەكتورلىق اگەنتتىكتەر قىزمەتىن توقتاتادى.
1 قاڭتاردان باستاپ كوللەكتورلىق اگەنتتىكتەردىڭ جارعىلىق كاپيتالىنىڭ ەڭ تومەنگى مولشەرى ەنگىزىلەدى، دەپ حابارلايدى Almaty-akshamy.kz
قارجى نارىعىن رەتتەۋ جانە دامىتۋ اگەنتتىگى كوللەكتورلاردىڭ جارعىلىق كاپيتالىنا قاتىستى تالاپ كۇشەيتىلگەنىن حابارلادى. بىلتىر كوللەكتورلىق قىزمەت تۋرالى زاڭدا جارعىلىق كاپيتالدىڭ ەڭ تومەنگى مولشەرىنە قاتىستى نورما بولعان.
وعان سايكەس، بيىل 1 قاڭتاردان باستاپ كوللەكتورلىق اگەنتتىكتەردىڭ جارعىلىق كاپيتالىنىڭ 10 ميلليون تەڭگە سوماسىنداعى ەڭ تومەنگى مولشەرى ەنگىزىلەدى. وسى مەجەنى كەزەڭ-كەزەڭمەن كوتەرۋگە شەشىم قابىلداندى.
«نارىقتى شوعىرلاندىرۋ جانە كوللەكتورلىق قىزمەتتەردىڭ ساپاسىن ارتتىرۋ ماقساتىندا بيىل 22 اقپاندا جۇمىس ىستەپ تۇرعان كوللەكتورلىق اگەنتتىكتەر ءۇشىن جارعىلىق كاپيتالدىڭ مولشەرىن كەزەڭ-كەزەڭمەن ارتتىرۋدى كوزدەيتىن اگەنتتىك باسقارماسىنىڭ 8 قاۋلىسى قابىلداندى»، - دەلىنگەن حابارلامادا.
قاۋلىعا سايكەس، جارعىلىق كاپيتالدىڭ ەڭ تومەنگى دەڭگەيى تاعى كوتەرىلەدى.
2022 جىلدىڭ 1 شىلدەسىنەن باستاپ – 30 ميلليون تەڭگە؛
2023 جىلدىڭ 1 قاڭتارىنان باستاپ – 50 ميلليون تەڭگە.
بۇل رەتتە جاڭادان اشىلعان كوللەكتورلىق اگەنتتىكتەر ءۇشىن جارعىلىق كاپيتالدىڭ ەڭ تومەن مولشەرى 50 ميلليون تەڭگەنى قۇرايدى.
قازىرگى كەزدە جارعىلىق كاپيتالعا قويىلاتىن تالاپتاردى ورىنداماعان كوللەكتورلىق اگەنتتىكتەردىڭ قىزمەتىن توقتاتۋ بويىنشا جۇمىستار باستالدى.