ناۋقان شاعىن بيزنەسكە قولداۋ رەتىندە ۇيىمداستىرىلىپ وتىر.
بۇل تۋرالى ييدم باسپا ءسوز قىزمەتى مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
«2022 جىلعى 1 ناۋرىزدان باستاپ اياق كيىمنىڭ قالدىقتارى ءۇشىن تاڭبالاۋ كودتارىن تەگىن باسىپ شىعارۋ ناۋقانى باستالادى. ءبىر رەتتىك ناۋقان «قازاقتەلەكوم» اق تاۋارلاردى تاڭبالاۋ مەن قاداعالاۋدىڭ ءبىرىڭعاي وپەراتورىمەن قولعا الىنىپ وتىر. ونى وتكىزۋ تۋرالى شەشىم كاسىپكەرلەردىڭ وتىنىشتەرى بويىنشا قابىلداندى»، – دەپ جازىلعان حابارلامادا.
ناۋقان شاعىن بيزنەسكە قولداۋ رەتىندە ۇيىمداستىرىلىپ وتىر. قاتىسۋ ءۇشىن وتىنىمدەر 2022 جىلدىڭ 1 ماۋسىمىنا دەيىن قابىلدانادى. وسىلايشا، كاسىپكەرلەردە ناۋقان اياسىندا تاڭبالاۋ كودتارىن تەگىن ەميسسيالاۋ جانە باسىپ شىعارۋ مۇمكىندىگى پايدا بولادى.
تولىق نۇسقاۋلىق sbor zayavok ostatki obuvi kaz سىلتەمەسى بويىنشا قولجەتىمدى. ناۋقان شەڭبەرىندە تاۋارلاردى سيفرلىق تاڭبالاۋ بويىنشا 8 800 080 65 65 تاۋلىك بويى قىزمەت ەتەتىن بايلانىس-ورتالىعىنان كەڭەس الۋعا بولادى.
ەستەرىڭىزگە سالا كەتەيىك، 2021 جىلدىڭ 1 قاراشاسىنان باستاپ قازاقستاندا اياق كيىمدى مىندەتتى سيفرلىق تاڭبالاۋ باستالدى. 2022 جىلعى 1 ساۋىرگە دەيىن كاسىپكەرلەرگە تاڭبالانباعان اياق كيىمدى ساتۋعا رۇقسات ەتىلەدى، وسى كۇننەن كەيىن سورەلەردە تەك سيفرلاندىرىلعان اياق كيىم بولۋى كەرەك. 2022 جىلعى 1 قاراشاعا دەيىن قازاقستان رەسپۋبليكاسىنىڭ اۋماعىندا اينالىمدا جانە اينالىمنان شىعارۋدا پايدالانىلاتىن اياق كيىم تاۋارلارىنىڭ قالدىقتارىن ساقتاۋعا جانە تاسىمالداۋعا، سونداي-اق تاڭبالاۋدى جۇزەگە اسىرۋعا جول بەرىلەدى.