الماتى پوليسياسى كولىكتى قايتا جابدىقتاۋ تۋرالى ايتىپ بەردى.
ەرەجەگە سايكەس، قايتا جابدىقتاۋ – ءاۆتوموبيلدىڭ كونسترۋكسياسىندا كوزدەلمەگەن جانە جول قاۋىپسىزدىگىنە اسەر ەتەتىن بولشەكتەر مەن كەرەك-جاراقتاردى الىپ تاستاۋ نەمەسە ورناتۋدان تۇرادى، دەپ حابارلايدى Almaty-akshamy.kz.
«كولىك قۇرالىنىڭ كونسترۋكسياسىنا بولاشاقتا وزگەرىستەر ەنگىزۋ تۋرالى كەلىسىمگە كەلۋ ءۇشىن ءوتىنىش بەرۋشى ءبىزدىڭ بولىمشەگە جازباشا ءوتىنىش بەرۋى كەرەك. سونداي-اق، egov.kz، ە-وتىنىش ەلەكتروندى ۇكىمەت پورتالىن پايدالانىپ، اۆتوكولىكتى قايتا جابدىقتاۋعا رۇقسات الا الاسىز. مۇنداي ءوتىنىشتى قاراۋ ناتيجەسىندە كولىك قۇرالىنىڭ كونسترۋكسياسىنا ۇسىنىلعان وزگەرىستەردى ەنگىزۋ مۇمكىندىگى تۋرالى شەشىم قابىلدانادى. اۆتوكولىكتى دۇرىس قايتا جابدىقتاۋ ءۇشىن سايكەستىكتى باعالاۋدان وتكەن كومپونەنتتەردى پايدالانۋ قاجەت. سونىمەن قاتار كەدەن وداعىنىڭ تر كو 018/2011 “دوڭگەلەكتى كولىك قۇرالدارىنىڭ قاۋىپسىزدىگى تۋرالى” تەحنيكالىق رەگلامەنتىنىڭ تالاپتارىن (№877 2011 جىلعى 09 جەلتوقسانداعى كەدەن وداعى كوميسسياسىنىڭ شەشىمىمەن بەكىتىلگەن) جانە قازاقستان رەسپۋبليكاسىنىڭ ست ق ر 1418-2018 اۆتوموتو كولىك قۇرالدارى. كونسترۋكسياعا وزگەرىستەر ەنگىزۋ. جالپى ەرەجەلەر مەن تەحنيكالىق تالاپتار» ساقتاۋدى قامتاماسىز ەتۋ قاجەت»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
اۆتوكولىكتىڭ كونسترۋكسياسىنا سايكەس وزگەرىستەر ءاۆتوموبيلدىڭ تىركەۋ قۇجاتتارىنا ەنگىزىلۋى كەرەك. اۆتوكولىككە ەنگىزىلگەن وزگەرتۋلەر تۋرالى اقپارات كولىك قۇرالىن تىركەۋ كۋالىگىندە كورسەتىلۋى قاجەت.
«كولiك قۇرالىنىڭ تiركەۋ كۋالiگiنە كولiك قۇرالىنا وزگەرتۋلەر ەنگiزۋ ءۇشiن قايتا جابدىقتالعاننان كەيiن مامانداندىرىلعان حالىققا قىزمەت كورسەتۋ ورتالىعىنا جۇگىنۋ قاجەت. ول جەردە اكىمشىلىك پوليسيانىڭ اۋماقتىق بولىمشەسى بەرەتىن اۆتوكولىكتىڭ كونسترۋكسياسىنا ەنگىزىلگەن وزگەرىستەردىڭ قاۋىپسىزدىك تالاپتارىنا سايكەستىگى تۋرالى انىقتامانى ۇسىنۋ قاجەت. بۇل كولىك قۇرالىن تىركەۋ كۋالىگىن اۋىستىرۋ ارقىلى كولىكتى ودان ءارى پايدالانۋعا مۇمكىندىك بەرۋ ءۇشىن جاسالىپ وتىر»، – دەدى قۇلبايەۆ.