جازدىڭ شىلىڭگىر ىستىعى تەك ادامدارعا ەمەس، تەمىر تۇلپارلارعا دا اسەر ەتەدى. كولىكتىڭ قاتتى قىزىپ كەتۋى ونىڭ ىستەن شىعۋىنا اكەلۋى مۇمكىن. Aqshamnews.kz ءتىلشىسى كولىكتى اپتاپتان قورعايتىن بەس كەڭەس ۇسىنادى.
1. كولىكتى كولەڭكەگە نەمەسە جابىق تۇراققا قويىڭىز
كۇننىڭ استىندا كولىك سالونىندا تەمپەراتۋرا 60-70 گرادۋسقا دەيىن جەتۋى مۇمكىن. "قايناپ" تۇرعان كولىككە وتىرۋ مۇمكىن ەمەس. ەگەر كولەڭكە تاپپاساڭىز، الدىڭعى تەرەزەگە شاعىلىستىرعىش جاپقىش (سولنسەزاششيتنىي ەكران - ەسك.) قويعانىڭىز ءجون. بۇل سالون تەمپەراتۋراسىن 10-15 گرادۋسقا دەيىن تومەندەتەدى.
2. سالوندى جەلدەتىپ الىپ وتىرىڭىز
كولىككە وتىرا سالىسىمەن كونديسيونەردى قوسۋعا اسىقپاڭىز. الدىمەن ەسىكتەر مەن تەرەزەلەردى اشىپ، بىرنەشە مينۋت جەلدەتىڭىز. سوندا كونديسيونەرگە دە اۋىرلىق تۇسپەيدى.
3. كونديسيونەردى دۇرىس پايدالانىڭىز
كەيبىر جۇرگىزۋشىلەر كونديسيونەردى ەڭ تومەنگى تەمپەراتۋراعا قويىپ، كەيىن اۋىرىپ جاتادى. دەنساۋلىققا كەرى اسەرىن تيگىزبەس ءۇشىن ونى سالونداعى اۋا تەمپەراتۋراسىن باياۋ ءتۇسىرۋ قاجەت.
4. كولىككە ارنالعان سالقىنداتقىش قۇرال نەمەسە جەلدەتكىش قولدانىڭىز
ءقازىر كولىك سالونىنا ارنالعان شاعىن جەلدەتكىشتەر مەن سالقىنداتقىش قۇرىلعىلار بار. ولار جۇرگىزۋشىنىڭ ىستىعى باسىلعانشا كومەكتەسە الادى. تاعى ءبىر لايفحاك - مۇز سالىنعان بوتەلكەنى دە ەدەنگە قويىڭىز، بۇل اپتاپتا كومەگىن تيگىزەدى.
5. جولعا شىعاردا ءوزىڭىز دە، كولىگىڭىز دە دايىن بولسىن
قاتتى ىستىقتا ۇزاق جولعا شىعار الدىندا دوڭگەلەك قىسىمىن، قوزعالتقىشتاعى سۋ مەن ماي دەڭگەيىن تەكسەرىڭىز. سۋسىز جۇرمەڭىز. قاۋىپسىزدىك ءۇشىن ىستىقتا كولىك ىشىندە وتتىق، بەنزين قۇيىلعان پلاستيك كانيستر، ۋايت-سپيريت سياقتى ەرىتكىشتەر، بوياۋ نەمەسە گاز باللوندارىن اسىرەسە كۇن استىندا قالدىرماڭىز.