الماتىدا زاڭسىز سالىنعان كەزەكتى نىسان ءسۇرىلدى، - دەپ حابارلايدى aqshamnews.kz.
الماتىنىڭ قالا قۇرىلىسىن باقىلاۋ باسقارماسىنىڭ مالىمەتىنشە، قاراساي باتىر مەن جۇمالييەۆ كوشەلەرىنىڭ قيىنىسىنداعى ۇيدە ءوز بەتىنشە سالىنعان قوسىمشا نىسان سوت شەشىمى بويىنشا سۇرىلەدى.
تۇرعىنداردىڭ ءوتىنىشى نەگىزىندە جۇرگىزىلگەن جوسپاردان تىس تەكسەرۋ بارىسىندا مەنشىك يەسىنىڭ (جەكە تۇلعانىڭ - ەسك.) رۇقسات قۇجاتتارىنىڭ جوعىنا قاراماستان قوسالقى جانە كىرەبەرىس نىسانداردى سالعانى انىقتالدى.
مەنشىك يەسىنە قاتىستى اكىمشىلىك شارالار قابىلداندى. ول الماتى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن كىنالى دەپ تانىلىپ، اكىمشىلىك ايىپپۇل ارقالادى. زاڭسىز تۇرعىزىلعان قۇرىلىس ماجبۇرلەپ بۇزۋ ۇيعارىمىمەن سۇرىلەتىن بولدى.
الماتى قالالىق سوتىنىڭ 2025 جىلعى 13 قاڭتارداعى قاۋلىسىمەن ءبىرىنشى ساتىداعى شەشىم وزگەرىسسىز قالدى.
سوت شەشىمىن ورىنداۋ بارىسىندا نىساندى مەنشىك يەسىنىڭ ءوزى بۇزدى.