قاراعاندى تۇرعىنى بەكىتىلمەگەن قۇدىق قاقپاعىن باسىپ ءوتىپ، كولىگىن زاقىمداپ، شىعىندى كوممۋنالدىق كاسىپورىنداردان سوت ارقىلى ءوندىرىپ الدى، - دەپ حابارلايدى اlmaty-akshamy.kz.
وقيعا وتكەن جىلدىڭ مامىر ايىندا وربىگەن بولاتىن. مايقۇدىق كوشەسىمەن «اۋدي ا6» كولىگىن جۇرگىزىپ كەلە جاتىپ، كەنەتتەن ليۋك قاقپاعى اۋدارىلىپ، سوققىدان دوڭگەلەگى ۇشىپ، تاعى دا ءبىراز جەرىن زاقىمداعان.
كولىك يەسى وقيعا ورنىنا جول-پاترۋلدىك پوليسيا قىزمەتكەرلەرىن شاقىرىپ، جول-كولىك وقيعاسىنا قاتىستى حاتتاما جاساتىپ، جازىپ العان. ارتىنشا ول كەلتىرىلگەن شىعىندى ەسەپتەتەدى. سونىمەن، امورتيزاسيانى ەسەپكە العاندا شىعىن 620 مىڭ تەڭگەنى قۇراعان.
قاجەتتى قۇجاتتاردى جيناپ، كولىك يەسى №2 قازىبەك بي اۋداندىق سوتىنا تالاپ ارىزبەن جۇگىنگەن.ارىزدانۋشى قاراعاندى قالاسىنىڭ كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىن، سونداي-اق «قازاقدورستروي» ج ش س مەن «كۆينتەكستروي» جشس-نەن 620 مىڭ تەڭگە ءوندىرۋدى تالاپ ەتكەن. زارداپ شەگۋشىنىڭ پىكىرىنشە جول جوندەۋشى جاۋاپكەرشىلىگى شەكتەۋلى سەرىكتەستىك جول جوندەۋ جۇمىستارىن دۇرىس ورىنداماي، ادام ومىرىنە ءقاۋىپ ءتوندىرىپ، شىعىنعا باتىرعان.
سوت ءىس ماتەريالدارىن زەردەلەپ، تاراپتاردىڭ تۇسىنىكتەمەلەرىن تىڭداپ، قاراعاندى تۇرعىنىنىڭ تالاپتارىن ءىشىنارا قاناعاتتاندىردى.
"ازاماتتىق كودەكستىڭ 917-بابىنىڭ تالاپتارىنا سايكەس، زاڭسىز ارەكەتتەن نەمەسە ارەكەتسىزدىكتەن كەلتىرىلگەن مۇلىكتىك نەمەسە مۇلىكتىك ەمەس زالالدى زالال كەلتىرگەن تۇلعا تولىق كولەمدە وتەۋگە جاتادى. سوت تالاپكەرگە كەلتىرىلگەن زالالدىڭ ورنىن «KVINTECconstruction» ج ش س تولتىرۋعا ءتيىس دەگەن قورىتىندىعا كەلدى. «اۆتوموبيل جولدارى تۋرالى» زاڭنىڭ 3-بابىنىڭ 19- 3 تارماعىنا سايكەس جول جۇمىسشىلارى مەن جول قوزعالىسىنا قاتىسۋشىلاردىڭ قاۋىپسىزدىگى قوزعالىستى ۇيىمداستىرۋ جانە جۇمىس الاڭدارىن قورشاۋ بويىنشا شارالار قابىلداۋ ارقىلى قامتاماسىز ەتىلۋگە ءتيىس. جول جوندەۋگە جاۋاپتى مەكەمە جوسپارلى جوندەۋ جۇرگىزەتىن جولدى ءتيىستى قورشاۋمەن قورشاماعان»، - دەپ ءتۇسىندىردى قاراعاندى قالاسى قازىبەك بي اۋداندىق №2 سوتىنىڭ باسپا ءسوز قىزمەتى.