الماتىدا مادەنيەت جانە اقپارات مينيسترلىگىنىڭ قولداۋىمەن ءبىرىنشى جاڭا مەديا فورۋم جۇمىسىن باستادى، دەپ حابارلايدى Almaty-akshamy.kz 24.kz-كە سىلتەمە جاساپ.
فورۋمعا جينالعان سپيكەرلەر – سيفرلىق كونتەنت اۆتورلارى مەن وندىرۋشىلەرى، مەملەكەتتىك قىزمەتكەرلەر مەن ينۆەستورلار زاماناۋي سىن-قاتەرلەردىڭ قوعامعا تيگىزەتىن اسەرىن تالقىلايدى. العاشقى فورۋمنىڭ ارقاۋ ەتكەن جۇگى اۋقىمدى.
«فورۋمنىڭ نەگىزگى ماقساتى - جاڭا مەديا الاڭدا وزەكتى ماسەلەلەردى تالقىلاۋ جانە دە كونتەنت جاساۋشى اۆتورلاردىڭ، بلوگەرلەردىڭ، مەديا-مەنەدجەرلەردىڭ، جۋرناليستەردىڭ پىكىرىن تىڭداۋ. كۇنى كەشە عانا ونلاين پلاتفورماعا بايلانىستى زاڭ كۇشىنە ەنگەن بولاتىن. زاڭنىڭ كۇشىنە ەنۋى مەديا سالاسىنىڭ تاعى ءبىر دەڭگەيگە كوتەرىلگەنىن بىلدىرەدى»، - دەيدى New media forum ۇيىمداستىرۋ كوميتەتىنىڭ مۇشەسى بيبىگۇل قۇلامان.