2023 جىلدىڭ قاراشا ايىنىڭ قورىتىندىسى بويىنشا، قازاقستاندا اۆتوكولىكتىڭ ورتاشا باعاسى 2،3 پايىزعا تومەندەدى، دەپ حابارلايدى اlmaty-akshamy.kz.
21 جەلتوقساندا "قازاقستان اۆتوكولىك وداعى" كوممەرسيالىق ەمەس ۇيىمىنىڭ حابارلاۋىنشا، قاراشا ايىنىڭ سوڭىندا قازاقستاندا اۆتوكولىكتىڭ ورتاشا باعاسى 14 ميلليون 810 مىڭ تەڭگەگە دەيىن تومەندەگەن. بۇل كورسەتكىش 2022 جىلدىڭ قاراشا ايىندا 15 ملن 160 مىڭ تەڭگە بولعان.
وسىعان وراي ەلدە اۆتوكولىك ساۋداسى ارتىپ كەلەدى. قاراشا ايىندا قازاقستاندا 17 538 جەڭىل جانە جەڭىل كوممەرسيالىق كولىك، سونداي-اق 1 429 جۇك كولىگى مەن اۆتوبۋس ساتىلدى. بۇل 2022 جىلعى قاراشامەن سالىستىرعاندا 54،1%-عا كوپ. جالپى جىل باسىنان بەرى قازاقستاندىق ديلەرلەر 175 255 كولىك ساتقان.
2023 جىلعى قاراشاداعى جاعداي بويىنشا قازاقستاندا ەڭ كوپ ساتىلعان اۆتوموبيل برەندتەرى:
- Chevrolet (4243 اۆتوموبيل، جىلىنا +35،7%)،
- Hyundai (3605، +16،9%)،
- Kia (2101، +22،3%)،
- Toyota (1252، +79،4%)،
- Chery (1218، +58،8%).
قاراشاداعى ەڭ تانىمال مودەلدەر:
- Chevrolet Cobalt،
- Hyundai Tucson،
- Chevrolet Onix،
- Hyundai Santa Fe،
- Chery Tiggo 2.
2023 جىلدىڭ 11 ايىنىڭ قورىتىندىسى بويىنشا ساتۋ رەكوردى Hyundai برەندىنە تيەسىلى (42 038 اۆتوموبيل)، Chevrolet ەكىنشى ورىندا (40 011)، ءۇشىنشى ورىندا – Kia (23 070).