اتالعان جۇيەنى كەلەسى جىلدىڭ ءبىرىنشى جارتىجىلدىعىندا ونەركاسىپتىك پايدالانۋعا ەنگىزۋ جوسپارلانىپ وتىر
كولىكتىك باقىلاۋ كەزىندە تالاپ ەتىلەتىن قۇجاتتاردى ەلەكتروندىق فورماتقا اۋىستىرۋ ءۇشىن قازاقستان رەسپۋبليكاسىنىڭ كولىك مينيسترلىگى پيلوتتىق رەجيمدە كولىك قۇجاتتارىن باسقارۋدىڭ ءبىرىڭعاي جۇيەسىن ەنگىزىپ جاتىر، دەپ حابارلايدى اlmaty-akshamy.kz.
كولىك قۇجاتتارىن باسقارۋدىڭ ءبىرىڭعاي جۇيەسى تاسىمالداۋ سالاسىندا قىزمەت الۋ ءۇردىسىن بارىنشا ءقاۋىپسىز ەتىپ، اشىقتىقتى ودان ءارى ارتتىرۋعا، سونداي-اق تاسىمالداۋ پروسەستەرىن وڭتايلاندىرۋعا، جۇكتەردى جەتكىزۋ مەرزىمدەرىن قىسقارتۋعا، esutd.gov.kz سايتىنىڭ ءموبيلدى نۇسقاسى نەمەسە QR كودىن سكانەرلەۋ ارقىلى الەمنىڭ كەز كەلگەن نۇكتەسىنەن ەلەكتروندىق قۇجاتتارعا جەدەل قول جەتكىزۋگە ىقپال ەتەدى.
ەستەرىڭىزگە سالا كەتەيىك، بۇعان دەيىن 2021 جىلعى 25 مامىردا ق ر يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن كولىك قۇجاتتارىن باسقارۋدىڭ ءبىرىڭعاي جۇيەسىن ۇيىمداستىرۋ جانە پايدالانۋ قاعيدالارى، اتالعان جۇيەگە تىركەۋ، ەسەپكە الۋ، وڭدەۋ جانە ساقتاۋعا قاجەت قۇجاتتار تىزبەسى بەكىتىلگەن بولاتىن.
كەيىن يندۋستريا جانە ينفراقۇرىلىمدىق دامۋ ءمينيسترىنىڭ 2021 جىلعى 16 ماۋسىمداعى №307 بۇيرىعىمەن اۆتوموبيل كولىگىمەن جۇكتەردى تاسىمالداۋ قاعيدالارىنا وزگەرىستەر ەنگىزىلدى (ق ر ينۆەستيسيالار جانە دامۋ ءمينيسترىنىڭ 2015 جىلعى 30 ساۋىردەگى № 546 بۇيرىعىمەن بەكىتىلگەن). اتالعان وزگەرىستەرگە سايكەس قۇجاتتاردى قاعاز تاسىعىشتا رەسىمدەۋ كەزىندە تەحنيكالىق رۇقسات ەتىلگەن ماكسيمالدى سالماعى 3،5 توننادان اساتىن تاسىمالداۋشى مەن جۇك جونەلتۋشى ولاردى كولىك قۇجاتتارىن باسقارۋدىڭ ءبىرىڭعاي جۇيەسىندە تىركەۋدى قامتاماسىز ەتەدى: جول پاراعى – اۋىسىم (رەيس) باستالعانعا دەيىن؛ تاۋار-كولىك جۇكقۇجاتى - جۇك جونەلتىلگەنگە دەيىن.
قازىرگى ۋاقىتتا مەملەكەتتىك تەحنيكالىق قىزمەت ماماندارىمەن بىرلەسىپ، كولىك قۇجاتتارىن باسقارۋدىڭ ءبىرىڭعاي جۇيەسىنىڭ اقپاراتتىق قاۋىپسىزدىك تالاپتارىنا سايكەستىگى سىنالىپ جاتىر. سونىمەن قاتار تاسىمالداۋشىلارعا ىڭعايلى بولۋ ءۇشىن جۇيەنىڭ ءموبيلدى قوسىمشاسى ازىرلەنىپ جاتىر. وسىعان بايلانىستى جۇيەنى 2024 جىلدىڭ ءبىرىنشى جارتىجىلدىعىنا ونەركاسىپتىك پايدالانۋعا بەرۋ جوسپارلانعان.