ەندى ەلىمىزدىڭ ءبىلىم بەرۋ ۇيىمدارىندا جوسپاردان تىس تەكسەرۋلەردى الدىن الا ەسكەرتۋسىز جۇرگىزۋگە بولادى.
بۇل تۋرالى وقۋ اعارتۋ مينيسترلىگى بالالاردىڭ قۇقىقتارىن قورعاۋ كوميتەتى مالىمدەگەن، دەپ حابارلايدى Almaty-akshamy.kz.
جاقىندا ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى جونىندەگى زاڭعا قول قويىلدى. زاڭ شەڭبەرىندە جوسپاردان تىس تەكسەرۋلەر جۇرگىزۋ ءتارتىبى وزگەرتىلەدى. ەندى ەلىمىزدىڭ ءبىلىم بەرۋ ۇيىمدارىندا جوسپاردان تىس تەكسەرۋلەردى سۋبەكتىنى الدىن الا حاباردار ەتپەي جانە تەكسەرۋ تاعايىنداۋ تۋرالى اكتىنى تىركەۋسىز جۇرگىزۋگە بولادى.
اتالعان نورما بالالاردىڭ قۇقىقتارى بۇزىلعان جاعدايدا تەكسەرۋگە دايىندالۋ مۇمكىندىگىن بولدىرمايدى. مۇنداي فاكتىلەرگە مەملەكەتتىك ورگاندار تاراپىنان جەدەل رەاكسيا وسى بۇزۋشىلىقتاردى انىقتاۋعا جانە بولاشاقتا وسىنداي جاعدايلاردىڭ الدىن الۋعا مۇمكىندىك بەرەدى.