2024 جىلعى 9 قازاندا قازاقستان رەسپۋبليكاسىنىڭ كولىك مينيسترلىگىنىڭ عيماراتىندا مارات قارابايەۆ پەن APM Terminals Poti باس ديرەكتورى كريستيان رودەر اراسىندا كەزدەسۋ ءوتتى.
كەزدەسۋدىڭ باستى تاقىرىبى جۇك تاسىمالى كولەمىن ارتتىرۋ جانە ترانسكاسپيي حالىقارالىق كولىك باعىتى (تحكب) اياسىندا كولىك ينفراقۇرىلىمىن دامىتۋ ماسەلەلەرى بولدى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
مينيستر 2024 جىلدىڭ 9 ايىندا ورتا ءدالىز ارقىلى جۇك تاسىمالى كولەمى 70%-عا ۇلعايىپ، 3،4 ملن تونناعا جەتكەنىن اتاپ ءوتتى. سونداي-اق، 2024 جىلدىڭ 8 ايىندا كونتەينەرلىك تاسىمال كولەمى 34،6 مىڭ دفە-گە جەتىپ، وتكەن جىلدىڭ سايكەس كەزەڭىمەن سالىستىرعاندا (12،6 مىڭ. دفە) ءۇش ەسە وسكەنىن ايتتى. قىتايدان كەلەتىن كونتەينەرلەر ءترانزيتى 20 ەسە ءوستى.
«APM Terminals Poti | Poti Sea Port Corporation» كورپوراسياسى گرۋزيانىڭ پوتي قالاسىندا ورنالاسقان جانە قارا تەڭىز جاعالاۋىنداعى ماڭىزدى كولىك تورابى بولىپ تابىلادى. كومپانيانىڭ باستى ماقساتى – جەتكىزۋ/تاسىمالداۋ تىزبەگىنىڭ تيىمدىلىگىن ارتتىرۋ.
تاراپتار قازاقستان مەن APM Terminals اراسىنداعى ىنتىماقتاستىقتى ودان ءارى نىعايتۋعا جانە ترانسكاسپيي باعىتى ارقىلى كونتەينەرلىك تاسىمالدىڭ ءوسۋىن قامتاماسىز ەتۋگە كەلىستى.
كولىك ءمينيسترى مارات قارابايەۆ APM Terminals Poti باس ديرەكتورى كريستيان رودەرمەن كەزدەستى
- اۆتور aqshamnews.kz
- 19:24، 09 قازان 2024
سۋرەت: Gov.kz