بيىل 25 قازاندا پوليسيا كۇشەيتىلگەن رەجيمدە جۇمىس ىستەيدى. بۇل كۇنى زاڭسىز ميتينگ ۇيىمداستىرۋعا جول بەرمەيمىز. بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا ايتتى، - دەپ حابارلايدى اlmaty-akshamy.kz Massaget.kz-كە سىلتەمە جاساپ.
ۇكىمەتتىڭ باسپا ءسوز ورتالىعىندا ب ا ق وكىلى ءىىم وكىلىنە سۇراق قويدى.
"الەۋمەتتىك جەلىدە جولدا كەتىپ بارا جاتقان پوليسيا كولىكتەرىنىڭ ۆيدەوسى تارادى. ۆيدەونىڭ اۆتورلارى پوليسيا 25 قازاندا بولاتىن ميتينگكە دايىندالىپ جاتقانىن ايتادى. 25 قازاندا پوليسيا كۇشەيتىلگەن رەجيمدە جۇمىس ىستەي مە؟ ءسىز بۇل ۆيدەونى كوردىڭىز بە؟ الەۋمەتتىك جەلى ارقىلى ادامداردى ميتينگكە شاقىرۋ زاڭدى ما؟ مۇنداي ارەكەتكە بارعاندار جاۋاپقا تارتىلا ما؟"، - دەدى ول ۆيسە-مينيسترگە.
يگور لەپەحا بۇل ۆيدەونى كورمەگەنىن ايتتى.
"بىزدە ادامدار اسكەري كولوننا كەتىپ بارا جاتسا، سوعىس باستالدى، پوليسيا كولونناسى كەتىپ بارا جاتسا، ميتينگ شىققانداردى قۋعالى بارا جاتىر دەپ ويلايدى. مەن پوليسيا كولىكتەرىنىڭ قايدا بارا جاتقانىن بىلمەيمىن. ءبىز نەگە دايىندالۋىمىز مۇمكىن؟ بۇگىن تەك 17 قازان عوي"، - دەدى ول.
ءمينيستردىڭ ورىنباسارى مەرەكە كۇندەرى پوليسيا كۇشەيتىلگەن رەجيمدە جۇمىس ىستەيتىنىن، زاڭسىز ميتينگ ۇيىمداستىرۋعا جول بەرمەيتىنىن اتاپ ءوتتى.
"25 قازان (رەسپۋبليكا كۇنى) مەملەكەتتىك مەرەكە عوي. ءبىز وعان دايىندالامىز. ءبىز (ءىىم) كۇشەيتىلگەن رەجيمدە جۇمىس ىستەيمىز. ءقازىر اكىمدىكتەردەن بارلىق ءىس-شارانى سۇراپ جاتىرمىز. وندا قوعامدىق ءتارتىپتى ساقتاۋدى قامتاماسىز ەتەمىز.
25 قازانعا ميتينگكە شاقىرۋعا توقتالايىن. ونى دۆك مۇشەلەرى ىستەپ وتىر. قازاقستاندا ول زاڭسىز ەكسترەميستىك ۇيىم بولىپ سانالادى. ءبىز ەشقانداي ميتينگ وتكىزۋگە جول بەرمەيمىز"، - دەدى ول.