وتباسى كيكىلجىڭىن تۋدىراتىن ايەلدەر دە بار.
ىشكى ىستەر ءمينيسترىنىڭ ورىنباسارى يگور لەپەحا وتباسىلىق زورلىق-زومبىلىق تۋرالى شاعىمداردىڭ 10 پايىزى ايەلدەردىڭ ۇستىنەن تۇسەتىنىن ايتتى، دەپ حابارلايدى Almaty-akshamy.kz Kazinform اگەنتتىگىنە سىلتەمە جاساپ.
«قازاقستاندا اگرەسسور ايەلىنىڭ ۇستىنەن شاعىمداناتىن ەر ادامدار بار ما؟»، - دەپ سۇرادى ب ا ق وكىلى ۇكىمەت وتىرىسىنان كەيىن وتكەن باسپا ءسوز كونفەرەنسياسىندا.
ءمينيستردىڭ ورىنباسارى ونداي جايتتار كەزدەسەتىنىن ايتادى.
«ارينە، ءبىز بۇعان شەتىن جاعداي سياقتى قارايمىز. الايدا ايەلدەرىنىڭ ۇستىنەن شاعىمداناتىن ەركەكتەر دە بار. ولاردىڭ سانى كوپ ەمەس، ءبىراق ءتۇرلى جاعداي بولادى. مىسالى، بالالارىنىڭ ۇستىنەن شاعىمداناتىن اتا-انالار بار، كەرىسىنشە كەيدە بالا ءوز اتا-اناسىنا شاعىمدانىپ جاتادى. وتباسىنداعى زورلىق-زومبىلىق بويىنشا ايەلدەردىڭ ۇستىنەن تۇسەتىن شاعىمدار شامامەن 10%»، - دەدى يگور لەپەحا.