قازاقستانعا تانىمال نۇرلان يمام بۇل جاڭالىقتى Instagram پاراقشاسىندا جازدى.
نۇرلان قاجى بايجىگىت ۇلى استاناداعى ىرىسكەلدى قاجى مەشىتىنىڭ الدىنا وزگە عيبادات ورىندارىندا جوق قۇرىلعى ورناتقىزدى، دەپ حابارلايدى Almaty-akshamy.kz
ەلىمىزدەگى العاشقى ەكو مەشىت اتانعان «ىرىسكەلدى قاجى» مەشىتى تاعى ءبىر جابدىقپەن تولىقتى. نۇرلان يمامنىڭ باستاماسىمەن مەشىتتىڭ الدىنا ەلەكترلى اۆتوكولىكتى قۋاتتايتىن قوندىرعى ورناتىلدى.
«مىناۋ استانا قالاسىنداعى ىرىسكەلدى قاجى مەشىتىنىڭ جانىنداعى اۆتوتۇراق. وسى مەشىتتە ەلىمىزدە تۇڭعىش رەت ەلەكترلى اۆتوكولىكتى قۋاتتايتىن قوندىرعى قويىلدى. ەندى ناماز وقىعان كەزدە Zeekr، تاعى باسقا كولىكتەرىڭىزدى قۋاتتاساڭىزدار بولادى. وزدەرىڭىز يمامنىڭ ۋاعىزىمەن قۋاتتانىپ، كولىكتەرىڭىزدى وسى قوندىرعىدان قۋاتتاپ قايتاسىزدار»، دەدى نۇرلان بايجىگىت ۇلى.