بۇگىن ماجىلىستە "قۇقىق بۇزۋشىلىق پروفيلاكتيكاسى تۋرالى" زاڭ جوباسىنىڭ ءبىرىنشى وقىلىمى ءوتتى. دەپۋتات امانجول ءالتاي قازاق كينوسىن سىناپ تاستادى، - دەپ حابارلايدى اqshamnews.kz ءتىلشىسى.
"قۇقىق بۇزۋشىلىق پروفيلاكتيكاسى ناتيجەلى بولۋى ءۇشىن جاستار تۇتىناتىن اقپاراتتى دۇرىستاۋىمىز كەرەك. قازاقي تىلمەن ايتقاندا، كورگەنى مەن ەستىگەنى دۇرىس بولۋى قاجەت. قازاق بولامىن دەسەڭ، ەكرانىڭدى دۇرىستا. كەيدە ماعان قازاق كينوسىنىڭ ارى مەن ۇياتى كەشەگى شاكەن ايمانوۆپەن بىرگە كەتكەندەي كورىنەدى. جاڭا قازاق كينوسىندا ءتالىم مەن تاربيەگە قايشى دورەكى سوزدەر كوبەيدى. سوندىقتان مۇنداي كەمشىلىكتەردى پروكاتقا شىقپاي تۇرىپ تۇزەتۋ قاجەت دەپ ويلايمىن. ويتكەنى بۇل بۇگىنگى قوعامداعى بۇزاقىلىققا يتەرمەلەيتىن ءتۇرلى تەرىس ارەكەتتەرگە الىپ كەلەدى. بۇل - ءبىز جاستاردى ەستىگەنى مەن كورگەنىن دۇرىستاي الماي جاتىرمىز دەگەن ءسوز. ءبىز تەرىس ارەكەتتەرگە توسقاۋىل قويۋىمىز كەرەك"، - دەدى ول.
دەپۋتات ءسوز سوڭىندا قۇزىرلى ورگانداردى بىرلەسىپ جۇمىس ىستەۋگە شاقىردى.