«كوكتوبە» تەلەمۇناراسىنىڭ ساۋلەتتىك جارىقتاندىرۋى جاڭا كەستە بويىنشا جۇمىس ىستەيدى، دەپ حابارلايدى aqshamnews.kz
الداعى مەرەكە قارساڭىندا 20 جەلتوقساننان باستاپ «كوكتوبە» تەلەمۇناراسىنىڭ مۋلتيمەديالىق جارىقتاندىرۋى كۇن سايىن ساعات 17:00-دەن 01:00-گە دەيىن قوسىلادى، ال 01:00-دەن 05:00-گە دەيىن عيماراتتىڭ قاسبەتى نەگىزگى جارىقپەن جارقىرايدى. بۇعان دەيىن تەلەمۇنارانىڭ ساۋلەتتىك-كوركەم جارىقتاندىرۋى ساعات 20:00-دە قوسىلاتىن.
تەلەمۇنارانىڭ جارىقتاندىرۋى Seoul Tower، Tokyo SkyTree سياقتى الەمدىك بيىك نىساندارعا ۇقساس تۇردە قالانىڭ سانىنە اينالىپ، تاۋلىكتىڭ كەز كەلگەن ۋاقىتىندا شاھاردىڭ سيمۆولى بولۋىنا ىقپال ەتۋدە.
ايتا كەتەيىك، بيىكتىگى 370 مەتردەن اساتىن تەلەمۇنارا 185 TLOS-H پروجەكتورى ءارتۇرلى ساۋلە تاراتۋ بۇرىشتارىمەن جابدىقتالعان. سونداي-اق، قۇرىلىمنىڭ 10 دەڭگەيىن جارىقتاندىراتىن LED مودۋلدەرى بار جارىق سىزىقتارىنان تۇراتىن مەديافاسادپەن قامتاماسىز ەتىلگەن.