اۋداننىڭ ينجەنەرلىك ينفراقۇرىلىمىن جاڭعىرتۋ قارقىندى تۇردە جالعاسۋدا

بۇگىن الماتى اكىمى مەدەۋ اۋدانى تۇرعىندارىمەن كەزدەستى.

وندا اۋداننىڭ ينجەنەرلىك يگفراقۇرىلىمىن جاڭعىرتۋ ماسەلەلەرى ايتىلدى، دەپ حابارلايدى Almaty-akshamy.kz.

بيىل ەلەبەكوۆ (300 م)، گورنايا (700 م)، باتۋرين (1500 م) مەن بەگالين (1700 م) كوشەلەرىندەگى سۋ قۇبىرى جەلىلەرىن رەكونسترۋكسيالاۋ 50% ورىندالدى جانە وڭداسىنوۆ كوشەسىندەگى كارىز جەلىلەرىن (1،2 كم) رەكونسترۋكسيالاۋ اياقتالدى.

"دۋمان" شاعىناۋدانىندا 1800 كۋب مەترگە 2 رەزەرۆۋار مەن سورعى ستانسيالارىن رەكونسترۋكسيالاۋ جۇمىستارى جالعاسۋدا. جۇمىستاردىڭ اياقتالۋى – 2023 جىلدىڭ ءىىى توقسانى.

 كەلەسى جىلدىڭ II توقسانىنان باستاپ "كولساي" (2،8)، "سۇلۋساي" (16،9)، "كومپوت" (25)، "كەڭساي" (14،2) شاعىناۋداندارىندا (شوقاي مەن سارسەنبايەۆ كوشەلەرى) جانە حاليۋللين كوشەسىندە (3،8) جالپى ۇزىندىعى 62،7 كم (سۋمەن جابدىقتاۋ – 25،8 كم جانە كارىز – 47،5 كم) سۋ قۇبىرى مەن كارىز جەلىلەرىنىڭ قۇرىلىسىن باستاۋ جوسپارلانعان.  

سونىمەن قاتار، 2023 جىلدىڭ II توقسانىندا "كامەنسكوە پلاتو" شاعىناۋدانىندا سۋمەن قامتۋ جانە سۋ بۇرۋ جەلىلەرىن (28،9) سالۋ جوباسىن تۇزەتۋدى اياقتاۋ كوزدەلگەن (قۇرىلىس ماتەريالدارىنىڭ قىمباتتاۋىنا، تاۋلى جەر بەدەرىنىڭ ەسكەرىلمەۋىنە جانە كەي جەرلەردە ينجەنەرلىك ءدالىزدىڭ بولماۋىنا بايلانىستى تۇزەتۋ جۇرگىزىلۋدە).

كەلەسى جىلدىڭ ءىى توقسانىندا "دۋمان" شاعىناۋدانىندا (81 ءۇي) سۋ قۇبىرى مەن كاناليزاسيا  جەلىلەرىن (14 كم) سالۋ ءۇشىن جوبالاۋ-سمەتالىق قۇجاتتامانى ازىرلەۋ اياقتالادى.