كوكتەمنىڭ العاشقى شۋاقتى كۇنىمەن قاتار كەلگەن العىس ايتۋ كۇنىنە وراي الاتاۋ اۋدانىنىڭ كوميۋنيتي ورتالىعىندا ەرەكشە اكسيا ءوتتى، دەپ حابارلايدى aqshamnews.kz
ءىس-شارانىڭ باستى ماقساتى – ادامدار اراسىندا ريزاشىلىق سەزىمىن ارتتىرىپ، جىلى قارىم-قاتىناستى نىعايتۋ.
كوميۋنيتي ورتالىعىنىڭ كوورديناتورى داركەنباي دامير:
“ بۇل اكسيا قاتىسۋشىلارعا جاقىندارىنا، ارىپتەستەرىنە، دوستارىنا العىس ءبىلدىرۋ مۇمكىندىگىن سىيلايدى. ارنايى دايىندالعان اعاش بەينەسىندەگى باننەرگە كەلگەن قوناقتار وزدەرىنىڭ جىلى لەبىزدەرى مەن العىس سوزدەرىن ءتۇرلى-تۇستى ستيكەرلەرگە جازىپ، جاپىستىرادى. وسىلايشا، ءاربىر قاتىسۋشى ريزاشىلىق ءبىلدىرۋ ارقىلى ورتاق جىلۋلىق پەن مەيىرىمدىلىك اتموسفەراسىن قالىپتاستىرادى دەپ بىلەمىن” -دەيدى.
ءىس-شاراعا ءارتۇرلى جاستاعى ادامدار قاتىستى. ءبىرى اتا-اناسىنا العىس بىلدىرسە، ەندى ءبىرى ۇستازدارىنا، دوستارىنا، ارىپتەستەرىنە ريزاشىلىقتارىن جازدى. كوپشىلىگى بۇل اكسيانىڭ ادام بويىنداعى جاقسى سەزىمدەردى وياتىپ، رۋحاني بايلانىستاردى نىعايتۋعا كومەكتەسەتىنىن دە اتاپ ءوتتى.
بۇل قوعامدىق شارانىڭ ماڭىزى قانداي؟
“العىس اعاشى” سىندى اكسيالار ادامداردىڭ بىر-بىرىنە دەگەن قۇرمەتى مەن ىقىلاسىن ارتتىرىپ، قوعامداعى جىلۋلىقتى ەسەلەي تۇسەدى. مۇنداي ءىس-شارالار تەك ءبىر كۇندىك ەمەس، ادامداردىڭ كۇندەلىكتى ومىرىندە دە العىس ايتۋدى ادەتكە اينالدىرۋىنا ىقپال ەتەدى.الاتاۋ اۋدانىنىڭ كوميۋنيتي ورتالىعى الداعى ۋاقىتتا دا وسىنداي يگى باستامالاردى جالعاستىرۋدى جوسپارلاپ وتىر.