ءداستۇر بويىنشا تەمىرجولشىلار كوكتەمگى سۋ تاسقىنىنا قىستا دايىندالا باستايدى.
قتج سۋ تاسقىنى كەزىندە تۇرعىنداردى ءقاۋىپسىز جەرگە كوشىرۋ ءۇشىن 45 پويىز بولەدى، - دەپ حابارلايدى Almaty-akshamy.kz.
قتج-داعى سۋ تاسقىنىنا قارسى ءىس-شارالار باعدارلاماسى كوپ جىلدىق تاجىريبەگە نەگىزدەلگەن. ءداستۇر بويىنشا، تەمىرجولشىلار كوكتەمگى سۋ تاسقىنىنا قىستا دايىندالا باستايدى.
«سۋ تاسقىنى كەزەڭىندە تەمىر جول ينفراقۇرىلىمىنىڭ شايىلۋى مەن زاقىمدانۋىنىڭ الدىن الۋ جانە جويۋ ءۇشىن «قتج» ۇك» اق جەلىسىندە كەسەك تاسپەن، رەلستى پاكەتتەرمەن، كونديسيالىق ەمەس تەمىربەتوندى شپالدارمەن جانە باسقا دا ماتەريالدارمەن جاراقتاندىرىلعان جۋۋعا قارسى 45 پويىز قالىپتاستىرىلاتىن بولادى. قازىرگى ۋاقىتتا سۋ بۇرۋ ارنالارى مەن سۋ وتكىزگىش قۇبىرلاردى، درەناجدىق قۇدىقتاردى قاردان تازارتۋ بويىنشا دايىندىق جۇمىستارى جۇرگىزىلۋدە. كولىك قۇرالدارى، درەزينالار، اۆتوتراكتورلىق تەحنيكا دايىندالۋدا. جانار-جاعارماي ماتەريالدارىنىڭ اپاتتىق قورى قۇرىلادى»، - دەلىنگەن حابارلامادا.
جەرگىلىكتى اتقارۋشى ورگاندار مەن توتەنشە جاعدايلار باسقارمالارى وكىلدەرىمەن بىرلەسىپ تەمىرجولشىلار تەمىرجولدار توسەمىنە تىكەلەي جاقىن ورنالاسقان بوگەتتەر مەن سۋ قويمالارىن تەكسەرەدى.
سۋ تاسقىنى كەزەڭىندە سۋ باسۋى مۇمكىن ۋچاسكەلەر ۇنەمى باقىلاۋدا بولادى. كوپ جىلدىق باقىلاۋلار ناتيجەلەرى بويىنشا تەمىرجولدا 670 جۋىق ىقتيمال ءقاۋىپتى ورىندار بار. بۇل ۋچاسكەلەر ءتىزىمىن لوكوموتيۆ بريگادالارى مۇقيات زەرتتەيدى. ولارمەن جەر توسەمىنىڭ جۋىلۋى جانە دەفورماسيالانۋى ىقتيمال جەرلەردە پويىزداردى جۇرگىزۋ بويىنشا قوسىمشا نۇسقامالار بەرىلەدى.