ەلدەگى سپورتتىڭ دەڭگەيىن تۇسىرمەۋ جولدارىن ىزدەۋگە تۋرا كەلەدى.
مادەنيەت جانە سپورت مينيسترلىگىنىڭ كەڭەيتىلگەن وتىرىسىندا يليا يلين ءوزىن اۋىر اتلەتيكا فەدەراسياسىنىڭ باسشىسى قىزمەتىنە ۇسىندى، دەپ حابارلايدى Almaty-akshamy.kz Baq.kz-كە سىلتەمە جاساپ.
«اۋىر اتلەتيكا فەدەراسياسىنىڭ پرەزيدەنتىن تابا الماي كەلەمىز. ءبىر جارىم جىل بۇرىن مەن مەنەدجەر بولىپ كىرگەن كەزدە، جاتتىقتىرۋشىلارمەن سويلەسكەم، ءبىز كوپتەگەن ماسەلەنى تالقىلادىق. ءبىر سپورتشىنىڭ وز-وزىنە قول سالعانىن دا بىلەسىزدەر. سول كەزدە پسيحولوگتار كەرەك ەكەنىن ايتتىم. وڭىرلەردى ارالاپ، باپكەرلەرمەن سويلەسىپ، ەلدەگى سپورتتىڭ دەڭگەيىن تۇسىرمەۋ جولدارىن ىزدەۋگە تۋرا كەلدى»، - دەدى يلين.
ول ءوزىنىڭ كومانداسىمەن بىرگە فەدەراسيا جۇمىسىن قولعا الۋعا دايىن ەكەنىن ايتتى.
«مەن ءقازىر ارىپتەستەرىمە، باسشىلىققا، التاي كولگىنوۆكە جانە اسحات ورالوۆقا ءوتىنىش بىلدىرەمىن، ءبىر شەشىم قابىلداڭىزدار. قولداۋ ءبىلدىرىپ، ناقتى تاپسىرمالار بەرىڭىزدەر»، – دەپ ءمالىم ەتتى سپورتشى.