پرەزيدەنت مەملەكەتتىك سۋبسيديا كولەمىن ازايتۋ قاجەت دەپ سانايدى.
جەڭىلدەتىلگەن نەسيە جەلتوقساننان باستاپ بەرىلەدى، دەپ حابارلايدى aqshamnews.kz
بۇل تۋرالى مەملەكەت باسشىسى قاسىم-جومارت توقايەۆ اۋىل شارۋاشىلىعى سالاسى قىزمەتكەرلەرىنىڭ فورۋمىندا ايتتى.
پرەزيدەنتتىڭ ايتۋىنشا، كوكتەمگى ەگىس پەن كۇزگى جيىن-تەرىن جۇمىستارىن دەر كەزىندە قارجىلاندىرۋ – مول استىق جيناۋدىڭ كەپىلى.
«جىل سايىن تولەمدەردى كەشىكتىرۋ سالدارىنان شارۋالار ەگىن ەگۋ بارىسىندا كوپ قيىندىقتى باستان وتكەرەدى. سوندىقتان مەنىڭ تاپسىرمام بويىنشا كوكتەمگى ەگىس جۇمىستارىنا بولىنەتىن جەڭىلدەتىلگەن نەسيە بيىلعى جەلتوقساننان باستاپ بەرىلەتىن بولادى. سونىڭ ناتيجەسىندە ديقاندار جانار-جاعارمايدى، قوسالقى بولشەكتەردى، باسقا دا قاجەتتى تاۋارلار مەن قىزمەتتەردى ۋاقىتىندا ساتىپ الا الادى»، – دەدى پرەزيدەنت.
سونداي-اق، مەملەكەت باسشىسى قازاقستان حالقىنا ارناعان جولداۋىندا اتالعان سالاعا جەكە ينۆەستيسيالار تارتۋ كەرەگىن ايتقانىن ەسكە سالدى.
«اگروونەركاسىپ كەشەنىن مەملەكەت تاراپىنان سۋبسيديالاۋدى بىرتىندەپ قىسقارتىپ، ونىڭ ورنىنا بانكتەردىڭ اۋىل شارۋاشىلىعىنا جەڭىلدەتىلگەن نەسيە بەرۋىن ىنتالاندىرعان ءجون. وتاندىق قارجى ينستيتۋتتارى اگروكاسىپورىندارعا ۇزاقمەرزىمدى ءارى قولجەتىمدى قاراجات ۇسىنۋعا ءتيىس»، – دەدى قاسىم-جومارت توقايەۆ.