بۇۇ-نىڭ كليماتتىڭ وزگەرۋى تۋرالى نەگىزدەمەلىك كونۆەنسياسىنىڭ (بۇۇ كتنك) تاراپتار كونفەرەنسياسىنىڭ 29-شى سەسسياسىنىڭ (سور29) پاراللەلدى ءىس-شاراسىندا قازاقستان رەسپۋبليكاسى حالىقارالىق مىندەتتەمەلەر شەڭبەرىندە ورىندالعان كليماتتىق ەسەپتىلىكتىڭ ناتيجەلەرىن ۇسىندى.
ءىس-شارانى قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگى، «جاسىل دامۋ» اق جانە بۇۇ دامۋ باعدارلاماسى (بۇۇدب) ۇيىمداستىردى. ءىس-شاراعا شىعىس ەۋروپا جانە تمد ەلدەرىنىڭ حالىقارالىق ۇيىمدارىنىڭ وكىلدەرى قاتىستى، دەپ حابارلايدى aqshamnews.kz.
ترانسپارەنتتىلىك ماسەلەلەرى بويىنشا، ونۋۆ-نى ورىنداۋ بارىسى تۋرالى قازاقستان رەسپۋبليكاسىنىڭ العاشقى ەكى جىلدىق بايانداماسىنىڭ نەگىزگى دەرەكتەرى، 1990-2022 جىلدارداعى انتروپوگەندىك شىعارىندىلار مەن سىڭىرگىشتەردىڭ كاداسترى تۋرالى قازاقستان رەسپۋبليكاسىنىڭ ۇلتتىق بايانداماسى، ەلدىڭ ەلەكتر ەنەرگەتيكالىق سەكتورىن مودەلدەۋ سەنارييلەرى، شىعارىندىلاردىڭ ءارتۇرلى سەنارييلەرى، سەكتورلاردى ەكونوميكالىق ترانسفورماسيالاۋ جانە ينۆەستيسيالىق ستراتەگيالار بويىنشا ۇسىنىمدار ۇسىنىلدى.
بۇۇ كتنك تالاپتارىنا سايكەس، ءاربىر قاتىسۋشى ەل ەكى جىلدا ءبىر رەت تاراپتار كونفەرەنسيالارىندا كليماتتىق ەسەپتەردى ۇسىنادى، وندا ينديكاتورلاردى بەكىتەدى جانە جىل سايىنعى پارنيكتىك گازدار شىعارىندىلارىن تىركەيدى. ەكى جىلدىق باياندامالار ەلدەردىڭ كليماتتىق ماقساتتارعا قول جەتكىزۋدەگى جەتىستىكتەرىن كورسەتەدى.
2024 جىلدان باستاپ ەكى جىلدىق ەسەپتەرگە جاڭا كومپونەنت قوسىلدى-ۇلتتىق دەڭگەيدە انىقتالعان سالىمداردىڭ ورىندالۋ بارىسىن قاداعالاۋ (ونۋۆ). بۇل كومپونەنت قاتىسۋشى ەلدەرگە ەسەپتىلىكتىڭ اشىقتىعىن ارتتىرىپ قانا قويماي، ونۋۆ-نىڭ ورىندالۋىن ناقتى باقىلاۋعا مۇمكىندىك بەرەدى، سونىمەن قاتار ونۋۆ-نىڭ ىلگەرىلەۋىن كەلەسى ەكى جىلدىق ەسەپتەردە كورسەتۋ امبيسياسىن ارتتىرۋعا مۇمكىندىك بەرەدى.
قازاقستان بۇۇ كتنك قۇرامىنا كىرەتىن 197 ەلدىڭ تەك 9-ى عانا سور29 – عا كولىكتىك بويىنشا ەكى جىلدىق بايانداما (Biennial Transparency report-BTR1) ۇسىندى.