16-17 قاراشادا ساعات 8.00-دەن 17.00-گە دەيىن الماتى قالاسىندا كەڭەيتىلگەن اۋىلشارۋاشىلىق جارمەڭكەسى وتەدى.
جارمەڭكەگە الماتى جانە جەتىسۋ وبلىستارىنىڭ اۋىلشارۋاشىلىق وندىرۋشىلەرى مەن فەرمەرلەر قاتىسادى، دەپ حابارلايدى aqshamnews.kz.
جارمەڭكەگە 50-دەن استام ءونىم تۇرلەرى (ەت جانە ءسۇت، جەمىس-كوكونىس، شۇجىق ونىمدەرى، ۇن، جارما، وسىمدىك جانە جانۋار مايلارى جانە ت.ب.) قويىلادى.
ءونىمنىڭ جالپى كولەمى 300 توننا قۇرايدى، ونىڭ ىشىندە:
* ەت ءونىمى – 80 توننا؛
* جەمىس-كوكونىس ءونىمى – 100 توننا؛
* ءسۇت ءونىمى – 60 توننا؛
* بالىق ونىمدەرى – 5 توننا؛
* وزگە ونىمدەر – 55 توننا.
جارمەڭكە وتەتىن ورىن – الماتى قالاسى، ساتبايەۆ كوشەسىنىڭ بويىمەن ۋاليحانوۆ كوشەسى مەن دوستىق داڭعىلى ارالىعىندا.
قۇرمەتتى كولىك يەلەرى!
اۋىل شارۋاشىلىعى جارمەڭكەسىن وتكىزۋگە بايلانىستى ساتبايەۆ كوشەسىنىڭ ءۋاليحانوۆ كوشەسىنەن دوستىق داڭعىلىنا دەيىنگى بولىگىندە 15 قاراشاسىندا ساعات 20:00-دەن 17 قاراشاسىندا 20:00-گە دەيىن جابىلادى.
ۋاقىتشا قولايسىزدىقتار ءۇشىن كەشىرىم سۇرايمىز جانە مارشرۋتىڭىزدى الدىن الا رەتتەۋىڭىزدى سۇرايمىز.
جارمەڭكەنى وتكىزۋ كەزىندە №45، №95 جانە №121 باعىتتاردىڭ سىزبالارى وزگەرەدى. جابىلاتىن ۋچاسكەنى اينالىپ ءوتۋ اباي داڭعىلى بويىنشا جۇرگىزىلەتىن بولادى.