الماتىدا كوكتەمگى دەمالىس كەزەڭىندە ۇيىمداستىرىلعان پەداگوگتەرگە ارنالعان ءبىلىم بەرۋ ءىس-شارالارىنىڭ سيكلى اياقتالدى.
بۇل تۋرالى الماتى قالاسى ءبىلىم باسقارماسىنىڭ «ءبىلىم بەرۋدەگى جاڭا تەحنولوگيالار قالالىق عىلىمي-ادىستەمەلىك ورتالىعىنىڭ» ديرەكتورى داۋرەن ساعىنعالييەۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مالىمدەدى، دەپ حابارلايدى aqshamnews.kz.
«كوكتەمگى دەمالىس اياسىندا 26-31 ناۋرىز ارالىعىندا ءبىلىم بەرۋدىڭ ءتۇرلى باعىتتارىنداعى پەداگوگتار ءۇشىن 50-گە جۋىق ءىس-شارا وتكىزىلدى. جالپى قامتۋ 6500-دەن استام ادامدى قۇرادى»، - دەدى سپيكەر.
ونىڭ ايتۋىنشا، نەگىزگى باستامالاردىڭ قاتارىندا 2672 پەداگوگ قاتىسقان اتتەستاتتاۋ ماسەلەلەرى بويىنشا 15 قالالىق سەمينار بار. «ۇستاز» پلاتفورماسىنا قۇجاتتاردى جۇكتەۋ بويىنشا كونسۋلتاسيالىق جۇمىس دەرەكتەردى ەنگىزۋدى 100% اياقتاۋدى قامتاماسىز ەتتى.
سونىمەن قاتار داۋرەن ساعىنعالييەۆ SDU University-مەن بىرلەسىپ 400-دەن استام مەكتەپ پەن كوللەدج ديرەكتورلارىن بىرىكتىرگەن «ءتيىمدى باسقارۋ نۇسقاۋلىعى» فورۋمى وتكەنىن حابارلادى. فورۋم ستراتەگيالاردى، ءبىلىم بەرۋدەگى جاساندى ينتەللەكتىنىڭ ءرولىن جانە وقۋ ورىندارىنىڭ زاماناۋي مادەنيەتىن قالىپتاستىرۋدى تالقىلاۋعا ارنالعان الاڭعا اينالدى.
سونداي-اق، 16 باعىت بويىنشا VII قالالىق پەداگوگيكالىق وقۋلارىنىڭ ءۇشىنشى كەزەڭى ءوتتى. 700-دەن استام پەداگوگ ءوتىنىم بەرىپ، 150ء-ى اقتىق مارەگە جەتتى. نەگىزگى ماقسات - تاجىريبە الماسۋ، شىعارماشىلىق كاسىبي بايلانىستار ورناتۋ.
سپيكەر الماتىنىڭ حالىقارالىق ءبىلىم بەرۋ باستامالارىنا بەلسەندى قاتىساتىنىن اتاپ ءوتتى: 1 ساۋىردەن باستاپ PISA-2025 زەرتتەۋى باستالدى، وعان قالانىڭ 27 ءبىلىم بەرۋ ۇيىمى قاتىسادى. وعان فۋنكسيونالدىق ساۋاتتىلىق بويىنشا 12 سەمينار، سونداي-اق جاراتىلىستانۋ-ماتەماتيكالىق باعىتتاعى 500 مۇعالىمگە ارنالعان 80 ساعاتتىق سەمينار-پراكتيكۋمدار ورايلاستىرىلعان.
«جاڭادان باستاۋشىلاردان باستاپ پەداگوگ - شەبەرلەرگە دەيىن مۇعالىمدەردى ساپالى دايارلاۋعا ەرەكشە كوڭىل بولىنەدى. بۇل ءبىزدىڭ وقۋشىلارىمىزدىڭ تابىستى بولاشاعىنىڭ كەپىلى»، - دەپ اتاپ ءوتتى داۋرەن ساعىنعالييەۆ.
ونىڭ ايتۋىنشا، تاربيە جۇمىسىنا ەرەكشە نازار اۋدارىلدى: قحر، تۇركيا جانە شۆەيساريا پەداگوگتارىنىڭ قاتىسۋىمەن 8 ءىس-شارا، سونىڭ ىشىندە حالىقارالىق سەمينارلار وتكىزىلدى. ولاردىڭ ءبىرى الماتى - شۆەيساريا - ماسكەۋ - يۋنەسكو تەلەكوپىر فورماتىندا وتكەن حالىقارالىق ىنتىماقتاستىقتىڭ ۇلگىسى بولدى.
«جۇمىسشى ماماندىقتار جىلى» اياسىندا World Skills Kazakhstan كاسىبي شەبەرلىك كونكۋرستارى مەن چەمپيوناتىنىڭ جەڭىمپازدارىن قۇرمەتتەۋ ءراسىمى ءوتتى. ءىس-شاراعا قالا كوللەدجدەرىنىڭ 300 جاس وقىتۋشىلارى قاتىستى.
سونداي-اق، مەكتەپكە دەيىنگى ۇيىمدار ءۇشىن 200 پەداگوگ پەن اتا-انانى قامتىعان فورسايت-سەسسيالار مەن سەمينارلار وتكىزىلدى.