الماتى بوتانيكا باعى كوكتەمگى باقشانىڭ پاتشايىمى دەپ اتالاتىن وسىمدىك - فورزيسيا تۋرالى تىڭ مالىمەتتەر جاريالادى.
اشىق سارى فورزيسيانى بوتانيكا باعىنىڭ قوعامدىق اۋماعىندا، «شىعىس ازيا»، «ەۋروپا، قىرىم جانە كاۆكاز» جيناۋ الاڭىندا، جاپون باعىنان تابۋعا بولادى. بۇل بۇتالار جالاڭاش اعاشتار مەن جاپىراقسىز بۇتالاردىڭ فونىندا بارلىعىنىڭ نازارىن بىردەن اۋدارادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
فورزيسيا (لات. Forsythia)، فورسايتيا نەمەسە فورسيسيا دەپ اتالادى. ول - ءزايتۇن تۇقىمداسىنا جاتاتىن بۇتالار مەن شاعىن اعاشتاردىڭ تۇقىمى. عىلىمي اتاۋ وسىمدىككە كورولدىك باۋ-باقشا قوعامىنىڭ نەگىزىن قالاۋشىلاردىڭ ءبىرى شوتلانديالىق بوتانيك ۋيليام ءفورسايتتىڭ قۇرمەتىنە بەرىلگەن. ول وسىمدىكتى قىتايدان ەۋروپاعا اكەلدى. بارلىق فورزيسيا تۇرلەرىنىڭ تۋعان جەرى شىعىس ازيا، تەك ەۋروپالىق فورزيسيا البانيا مەن بۇرىنعى يۋگوسلاۆيادا جابايى تابيعاتتا كەزدەسەدى.