الماتى قالاسىنداعى كورىكتەندىرۋ قىزمەتتەرىنىڭ 2022 جىلعى 8-9 قاراشادا جاۋىن-شاشىن كەزىندە اتقارعان جۇمىستارى بويىنشا اقپارات
الماتى قالاسىندا جاڭبىردىڭ، ونىڭ ارتى قار ارالاس جاۋىنعا ۇلاسۋىنا بايلانىستى قالالىق كورىكتەندىرۋ قىزمەتتەرى سۋ تاسقىنى مەن كوكتايعاقتىڭ الدىن الۋ بويىنشا تاۋلىك بويى جۇمىس جۇرگىزۋدە، دەپ حابارلايدى Almaty-akshamy.kz الماتى قالاسى كوممۋنالدىق ينفاقۇرىلىمدى دامىتۋ باسقارماسىنا سىلتەمە جاساپ.
8-9 قاراشا ارالىعىندا جاۋىن-شاشىننىڭ بولۋىنا بايلانىستى، الماتى قالاسىندا ءال-فارابي داڭعىلىنىڭ جوعارى جاعىنا 8-10 سم قار ءتۇستى. 9 قاراشا كۇنى تاڭعى ساعات 7:00-دە تاۋلى ايماقتاعى تۇسكەن قاردىڭ دەڭگەيى 15-20 سم-گە جەتتى. ايدىڭ باسىنان بەرى قالادا 36،6 مم جاڭبىر جاۋدى، نورماسى 50 مم.
تۇنگى كەزەڭدە 8-9 قاراشا ارالىعىندا 285 ارنايى تەحنيكا بىرلىگى، ونىڭ ىشىندە 68 قۇم سەپكىش جانە 357 جول جۇمىسشىسى جۇمىلدىرىلدى.
تاۋلى جانە تاۋ بوكتەرىندەگى جەرلەردە كوكتايعاق قۇبىلىستارىنىڭ الدىن الۋ ماقساتىندا جولداردى كوكتايعاققا قارسى ماتەريالدار سەبىلدى جانە تازالاۋ جۇزەگە اسىرىلدى. كوكتايعاققا قارسى 763 توننا ماتەريالدار پايدالانىلدى. سونداي-اق، قالانىڭ جوعارعى بولىگىندە تروتۋارلار مەن قوعامدىق كولىك ايالدامالارىن قاردان تازارتۋ جۇمىستارى جۇرگىزىلۋدە.
9 قاراشا كۇنى تاڭەرتەڭ قالا جولدارىن تازارتۋعا 377 تەحنيكا بىرلىگى، سونداي-اق ونىڭ ىشىندە 77 قۇم سەپكىش جانە 1129 جول جۇمىسشىسى جۇمىلدىرىلدى. قازىرگى ۋاقىتتا قالادا جولدار مەن تروتۋارلاردى قۇلاعان جاپىراقتاردان جاپپاي تازارتۋ جۇمىستارى جۇرگىزىلۋدە. اۋدان اكىمدىكتەرىندە جۇمىس بارىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلعان.
قازگيدرومەتتىڭ بولجامى بويىنشا، بۇگىن تۇستەن كەيىن جاۋىن-شاشىنسىز، بۇلتتى، اۋا تەمپەراتۋراسى+2...+ 4°س بولادى، تۇندە جاڭبىر جاۋىپ، ارتى قارعا ۇلاسۋى مۇمكىن. تۇندە جەلدىڭ جىلدامدىعى 3-8 م/س جانە اۋا تەمپەراتۋراسى 0-2 اياز كۇتىلۋدە.
جولدىڭ قوزعالىس بولىگىندە پايدا بولۋى مۇمكىن كوكتايعاققا بايلانىستى جۇرگىزۋشىلەر قوزعالىس جىلدامدىعىن تومەندەتىپ، اۆتوكولىكتەر اراسىنداعى قاشىقتىقتى ارتتىرىپ، كەنەتتەن مانيەۆرلەر مەن تەجەۋلەردەن اۋلاق بولعاندارى ءجون.