ءىس-شارا كەپىلدىك بەرۋ جۇيەسىن ەكى جىلدا ءبىر رەت وتكىزەتىن شارا.
مەگوپوليستە «تۋريستىك قامقور» قورى ۇيىمداستىرعان كەڭەيتىلگەن كونفەرەنسيا ءوتتى، دەپ حابارلايدى Almaty-akshamy.kz.
ءىس-شارادا ونىمدەردى ءارتاراپتاندىرۋعا، سونداي-اق تۋروپەراتورلار مەن تۋريستىك اگەنتتىكتەرگە ارنالعان «tourcode.kz» الەۋمەتتىك جوباسىنىڭ تانىستىرىلىمى ءوتتى. سونداي-اق، تۋريزم سالاسىندا ەسەلى ەڭبەك اتقارىپ جۇرگەن جانداردى، كومپانيا قىزمەتكەرلەرىن العىس حاتتارمەن ماراپاتتادى.
«ءىس-شارا كەپىلدىك بەرۋ جۇيەسىن ەكى جىلدا ءبىر رەت وتكىزەتىن شارا. بۇل جەردە بىزدەر قوردىڭ وسى ۋاقىتقا دەيىن اتقارعان قىزمەتتەرى، تۋريزم سالاسىندا قانداي جاڭالىقتار بار ەكەندىگى، تۋريستىك زاڭنامادا قانداي وزگەرىستەر بولعاندىعى جايلى اتاپ وتەمىز. قۋانتارلىق جاڭالىقتاردىڭ ءبىرى «tourcode.kz» پورتالىنىڭ اشىلۋى. ول جەردە بارلىق تۋريستىك اگەنتتىكتەر جايلى ماعلۇمات ۇسىنىلادى. ىشكى تۋريزم، سىرتقى ءتۋريزمنىڭ مالىمەتتەرى بار. ەندى شەتەلدە، ەلىمىزدە دەمالۋدى جوسپارلاپ جۇرگەن ازاماتتارىمىز ەش قينالمايتىن بولادى»، – دەيدى «تۋريستىك قامقور» قورىنىڭ ديرەكتورى اسىلحان ەسىلوۆ.
وسى رەتتە اقپاراتتىق پورتالدىڭ تۋروپەراتورلار مەن تۋراگەنتتىكتەردىڭ ساۋاتتىلىعىن ارتتىرۋعا باعىتتالعان، سونداي-اق شەتەلگە شىعاتىن قازاقستان رەسپۋبليكاسىنىڭ ازاماتى ءۇشىن جولسەرىك بولىپ تابىلاتىن الەۋمەتتىك جوبا رەتىندە قۇرىلعانىن ەرەكشە اتاپ وتكەنىمىز ءجون.
«بۇگىنگى جيىنىمىز قازاقستاندىقتاردىڭ سىرتقى ءتۋريزمى بويىنشا، سولاردىڭ قۇقىعىن كەپىلدەندىرۋ جۇيەسى بويىنشا وتكىزىلىپ وتىر. ول جۇيە 2016 جىلدان باستاپ ەنگىزىلگەن. بۇل جۇيە پاندەميا كەزىندە ءوزىنىڭ تيىمدىلىگىن كورسەتتى. ول كەزدە شەتەلدە 6 مىڭداي تۋريست قالىپ قويدى. كوپتەگەن اەروپورت جۇمىس ىستەمەي، كەي ۇشاقتار قابىلداماي قويعان ەدى. سول كەزدە جۇيە بيۋدجەتتەن ەشقانداي قاراجات الماي-اق تۋريستەردىڭ ەلگە ورالۋلارىنا كومەك كورسەتكەن بولاتىن. وسى سەكىلدى ماسەلەلەر مەن الداعى ۋاقىتتا اتقارىلاتىن جۇمىستار جيىندا تالقىلاندى. سونداي-اق، تۋريستەرگە قولايلى بولۋ ماقساتىندا كەلەڭسىز جايتتاردىڭ الدىن الۋ كەرەكتىگى ايتىلدى»، – دەيدى ق ر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.
اتالمىش قوردىڭ بۇكىل قىزمەتىن بۇگە-شىگەسىنە دەيىن ينتەرنەت كەڭىستىگىندە، ياعني www.fondhamkor.kz سايتى ارقىلى وقىپ-بىلۋگە بولادى. ونداعى اقپاراتتار تۋراگەنت، تۋروپەراتور جانە تۋريستكە قولجەتىمدى. سايتتا تۋريستەرگە الدەبىر توتەنشە جاعدايعا تاپ بولعاندا، قايدا، كىمگە جولىعۋى كەرەكتىگى، «تۋريستىك قامقور» قورىنا قانداي دەرەكتەر بەرۋى كەرەكتىگى ايتىلعان. بۇدان كەيىن جۇيە اكىمشىلىگىنىڭ جۇمىسى باستالىپ، ول شۇعىل كەڭەس شاقىرىپ، تۋريسكە اۋىرتپالىق تۇسىرمەي، جاعداي جاساۋ ارەكەتتەرىنە كوشۋگە شەشىم قابىلدايدى.
