بيۋست ورتالىق الاڭعا جاقىن اللەياعا ورناتىلدى.
ەلوردالىق ءورت ءسوندىرۋشى اسقار زابيكۋليننىڭ قۇرمەتىنە ەسكەرتكىش كوكشەتاۋداعى ورتالىق الاڭعا جاقىن اللەياعا ورناتىلدى، دەپ حابارلادى اقمولا وبلىسى تجد باسپا ءسوز قىزمەتى.
بيۋست بيىكتىگى 3،7 مەترلىك تۇعىرعا ورناتىلعان. ەسكەرتكىشتىڭ اينالاسى اباتتاندىرىلعان جانە اعاشتارمەن قورشالعان.
"اسقار زابيكۋليننىڭ ەرلىگى، ونىڭ ءومىرى – ءپاتريوتيزمنىڭ، پارىزدىڭ، قورىقپاۋدىڭ ۇلگىسى. بۇگىن الاڭعا شىققان ءورت سوندىرۋشىلەردىڭ قازىرگى بۋىنىنا قارايتىن ادام بار. اسقار زابيكۋليننىڭ ەسىمى قازاقستان رەسپۋبليكاسى توتەنشە جاعدايلار مينيسترلىگىنىڭ عانا ەمەس، بۇكىل ەلىمىزدىڭ تاريحىندا جازىلعان. ونىڭ قاھارمان مىسالىندا جانە بورىشى ءۇشىن ءوز ءومىرىن قۇربان ەتكەن باسقا قۇتقارۋشىلاردىڭ مىسالىندا قازاقستان رەسپۋبليكاسى ازاماتتارىنىڭ قاۋىپسىزدىگىن ادال جانە جاۋاپكەرشىلىكپەن قامتاماسىز ەتۋ ءۇشىن ازاماتتىق قورعاۋ ورگاندارىنىڭ جۇيەسىنە كەلەتىن جاستاردىڭ جاڭا بۋىنى تاربيەلەنەتىن بولادى"، – دەدى توتەنشە جاعدايلار ۆيسە-مينيسترى باۋىرجان سىزدىقوۆ.
ەسكە سالايىق، اسقار زابيكۋلين 2022 جىلدىڭ قاراشا ايىندا تۇرعىن ءۇي كەشەنىندەگى ءورتتى ءسوندىرۋ بارىسىندا قىزمەتتىك بورىشىن وتەۋ كەزىندە قازا تاۋىپ، ءوز ءومىرىن قاتەرگە تىگىپ، ءۇش ادامنىڭ ءومىرىن ساقتاپ قالعان بولاتىن. پرەزيدەنت جارلىعىمەن اسقار قايتىس بولعاننان كەيىن ءى دارەجەلى "ايبىن" مەملەكەتتىك ناگراداسىمەن ماراپاتتالدى.