ءزىلزالادان 78 ادام زارداپ شەكتى
قىتايدىڭ شىڭجاڭ ۇيعىر اۆتونوميالىق اۋدانى اقسۋ وكرۋگىنىڭ ۋشي ۋەزىندە 7،1 بالل جەر سىلكىنىسى بولدى. بۇل تۋرالى قحر سەيسمولوگيالىق ورتالىعىنىڭ مالىمەتىنە سىلتەمە جاساپ تاسس اگەنتتىگى مالىمدەدى، دەپ حابارلايدى اlmaty-akshamy.kz.
سەيسمولوگيالىق ورتالىقتىڭ مالىمەتىنە قاراعاندا، ءزىلزالا ولكەنىڭ ورتالىعى – ۇرىمجىدە، وعان جاقىن ماڭداعى اۋدانداردا وتە كۇشتى سەزىلگەن. سونىڭ كەسىرىنەن 47 ءۇي قيراپ، 78 ادام زارداپ شەكتى. جارالانعان ادامدار دا بار.
جەر سىلكىنىسى 23 قاڭتاردا ساعات 02:09-دا بولعان. وشاقتىق تەرەڭدىگى – 22 شاقىرىم.
ءزىلزالا اقسۋ، اتۋش، قوتان، قاشقار، ىلە، قورلا، قاراماي مەن باسقا جەرلەردە قاتتى سەزىلدى.
7،1 بالدىق جەر سىلكىنىسىنەن كەيىن تاعى دۇمپۋلەر بولدى. قىتايدىڭ سەيسمولوگيالىق ورتالىقتىڭ دەرەگىنە سۇيەنسەك، ماگنيتۋداسى 5،3 كوپ ءزىلزالا تىركەلگەن. تاڭعى ساعات 8.00 شاماسىندا ماگنيتۋداسى 3،0 نەمەسە ودان دا كوپ 40 افتەر سىلكىنىسى بولعان.
جەر سىلكىنىسى قازاقستان، قىرعىزستان مەن وزبەكستاننىڭ اۋماعىندا دا بايقالعان.
ەلىمىزدە ءزىلزالا نەگىزىنەن الماتى قالاسىندا تىركەلگەن.