ق ر سۋ رەسۋرستارى جانە يرريگاسيا مينيسترلىگى قىتايمەن سۋ ءبولۋ ماسەلەسى بويىنشا كەلىسسوزدەر جۇرگىزۋدە
سۋ رەسۋرستارى جانە يرريگاسيا مينيسترلىگى قىتايمەن 20-دان استام وزەن بويىنشا كەلىسسوز جۇرگىزىپ جاتىر. ونىڭ ىشىندە ءۇش ءىرى ترانسشەكارالىق وزەن: ەرتىس، ىلە جانە ەمەل بار.
بۇگىنگى تاڭدا قوس مەملەكەت اراسىندا سۋ ءبولۋ ماسەلەسى بويىنشا ارنايى جۇمىس توبى قۇرىلعان. قازاقستاننىڭ مۇددەسىن جۇمىس توبىنا كىرەتىن 20 ادام قورعايدى.
بۇگىندە تاراپتار سۋ ءبولۋ ماسەلەسى بويىنشا كەلىسىمنىڭ ءبىرقاتار باپتارى بويىنشا ورتاق شەشىمگە كەلدى.
«قازاقستان مەن قىتايعا ورتاق قورعاس وزەنى بار. ەكى مەملەكەتتى ءبولىپ اعاتىن وزەننىڭ بويىندا قىتايمەن بىرلەسىپ ورتاق گيدروتەحنيكالىق نىسان سالدىق. ونىڭ جۇمىسى 100% اۆتوماتتاندىرىلعان جانە شليۋزدەرى سۋ شەكارا سىزىعىنىڭ ەكى جاعىنا بىردەي اعاتىنداي ەتىپ جاسالعان. ءبىر تاراپ ءشليۋزدى كوبىرەك نەمەسە ازىراق اشقىسى كەلسە، ەكىنشى جاعىنا دا اۆتوماتتى تۇردە تۋرا سونداي كولەمدە سۋ اعادى. وسىنداي ۇلگىدە سۇمبە وزەنىنىڭ بويىناداعى نىسانعا رەكونسترۋكسيا جاسالدى. كەلەسى كەزەكتە شىعىس قازاقستان وبلىسىندا ۇلكەن ۇلاستى دەگەن وزەندە دە ەكى تاراپقا ورتاق نىسان سالۋ تۋرالى كەلىسىم بار»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.