قازاقستاننىڭ كوكپار قۇراماسى اقش-تى جەڭىپ، جارتىلاي فينالعا ءوتتى.
V دۇنيەجۇزىلىك كوشپەندىلەر ويىندارىندا كوكپاردان قازاقستان ۇلتتىق قۇراماسى اقش-تان كەلگەن كوكپارشىلاردى 12-4 ەسەبىمەن جەڭدى، دەپ حابارلايدى aqshamnews.kz.
بۇل تۋرالى «ۇلتتىق جانە ات سپورت تۇرلەرى ورتالىعىنىڭ» باسپا ءسوز قىزمەتى مالىمدەدى.
اقش قۇراماسىنىڭ ويىنى بۇرىنعىعا قاراعاندا دۇرىستالىپ قالعان. كەشە كوكبورى ويناعان قۇرامى بۇگىن كوكپار وينادى. ەرتەڭ جارتىلاي فينالدا رەسەي كوكپارشىلارىمەن كەزدەسەمىز. توبىمىزدا بەس قۇراما بولعان سوڭ فينالعا دەيىن ءۇش كەزدەسۋ وتكىزۋىمىز كەرەك بولدى. ال باستى قارسىلاسىمىز قىرعىزستان بۇگىن تۇركيانى جەڭسە فينالعا شىعىپ تۇر، – دەدى كوكپاردان ۇلتتىق قۇراما باس باپكەرى ابىلاي مانكەيەۆ.
«قازانات» يپپودرومىندا ءوتىپ جاتقان كوكپار باسەكەسىنە 9 مەملەكەتتىڭ قۇراماسى قاتىسىپ جاتىر. بۇل سپورت تۇرىنەن بارلىعى 104 سپورتشى سىنعا تۇسەدى. كوكپاردان ب ا ق سىنايتىن قۇرامالار: قازاقستان، اقش، رەسەي، وزبەكستان، قىرعىزستان، ۆەنگريا، جۇڭگو، موڭعوليا جانە تۇركيا.
فينالدىق ويىندار 12 قىركۇيەكتە وتەدى.