قازاقستان اۋماعىندا شەگىرتكە زيانكەستەرىنىڭ تارالۋىنا بايلانىستى جاعداي اۋىل شارۋاشىلىعى مينيسترلىگىنىڭ باقىلاۋىندا.
ەستەرىڭىزگە سالا كەتەيىك، 2024 جىلى قازاقستان اۋماعىندا 2،5 ملن گا القاپتا ءۇيىرلى شەگىرتكەلەردىڭ تارالۋى بولجانۋدا، دەپ حابارلايدى Alamty-akshamy.kz اشم-عا سىلتەمە ءجاساپۇ
26 ماۋسىمداعى جاعداي بويىنشا 1،8 ملن گا استام اۋماق قورعاۋ شارالارىمەن قامتىلدى. وعان 2500 ادام تارتىلدى، 427 ارنايى بۇرىككىش تەحنيكا قولدانىلۋدا.
مامانداردىڭ مالىمەتىنشە، قولدانىلاتىن پرەپاراتتاردىڭ تيىمدىلىگى 85%-دى قۇرايدى.
اقتوبە وبلىسىندا يتاليا پرۋسى مەن ازيالىق شەگىرتكەگە قارسى قورعانىس ءىس-شارالارى بارلىق 12 اۋداندا جۇرگىزىلۋدە.
بۇگىنگى تاڭدا وڭدەۋگە جوسپارلانعان 784 مىڭ گەكتاردىڭ 540 مىڭ گەكتارىندا جۇمىستار اياقتالدى، 74 بىرلىك تەحنيكا جۇمىلدىرىلعان.
تۇركىستان وبلىسىندا حيميالىق وڭدەۋ اياقتالدى، ماروككالىق شەگىرتكەدەن 366 مىڭ گەكتار جەر وڭدەلدى. جاڭادان انىقتالعان قوسىمشا وشاقتار تازارتىلۋدا.
قوستاناي وبلىسىندا يتاليان پرۋسى مەن ازيالىق شەگىرتكەگە قارسى 409 مىڭ گا وڭدەلدى. 130 قىزمەتكەر تارتىلدى. 55 بىرلىك تەحنيكا پايدالانىلۋدا. ءىس-شارالار جالعاسۋدا. اۋىل شارۋاشىلىعى ءمينيسترىنىڭ تاپسىرماسى بويىنشا وڭىردە اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى دارحان ابدىكارىموۆ ءجۇر.
الماتى، اتىراۋ، شىعىس قازاقستان، جامبىل، جەتىسۋ، باتىس قازاقستان، قىزىلوردا، قاراعاندى، پاۆلودار، اباي وبلىستارىندا 505 مىڭ گا وڭدەلگەن.
شارۋالار وڭدەۋگە قولداۋ كورسەتۋدە: اتاپ ايتقاندا، سۋ جەتكىزۋگە كومەكتەسەدى، شەگىرتكە زيانكەستەرىنىڭ شوعىرلانۋ ورىندارى تۋرالى حابارلايدى.
اقمولا، سولتۇستىك قازاقستان جانە ۇلىتاۋ وبلىستارىندا حيميالىق وڭدەۋلەر جۇرگىزۋ وڭدەۋگە جاتاتىن القاپتاردىڭ انىقتالۋىنا قاراي باستالادى.
جاعداي تۇراقتى، مونيتورينگتىك زەرتتەۋلەر جالعاستىرىلۋدا. قورعانىس ءىس-شارالارىن ۋاقتىلى جۇرگىزۋ ءۇشىن پرەپاراتتار مەن تەحنيكا جەتكىلىكتى.
شەكارا ماڭىنداعى اۋماقتارداعى جاعداي باقىلاۋدا.
اشم ۋاقتىلى قورعاۋ ءىس-شارالارىن ۇيىمداستىرۋ بويىنشا تۇبەگەيلى شارالار قابىلدانۋدا.