كوروناۆيرۋس بويىنشا «كوك» مارتەبەسى بار تۇرعىندار ءۇشىن ءبىرقاتار شەكتەۋ الىنىپ تاستالدى. بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات مالىمدەدى، دەپ حابارلايدى almaty-akshamy.kz
«ەپيدەميولوگيالىق ءقاۋىپ ايماعىنا قاراماستان «كوك» مارتەبەسى بار بولعان كەزدە وتەلدەرگە، قوناق ۇيلەرگە، اۋەجايلارعا، تەمىرجول، اۆتوۆوكزالدارعا، حالىققا قىزمەت كورسەتۋ ورتالىقتارىنا، «قازپوشتا» اق بولىمشەلەرىنە، بانكتەرگە، اسحانالار تۇرىندەگى قوعامدىق تاماقتانۋ وبەكتىلەرىنە، جابىق بازارلارعا، ءبىلىم بەرۋ ۇيىمدارىنا، سپا-ورتالىقتارعا، ءسان سالوندارىنا، وبلىسارالىق، وبلىسىشىلىك، قالالىق تاسىمالداۋلارعا شەكتەۋسىز كىرۋگە رۇقسات ەتىلەدى»، - دەدى اجار عينيات.
ونىڭ اتاپ وتۋىنشە، «كوك» مارتەبەسى بار كەلۋشىلەردىڭ كىرۋىنە رۇقسات بەرىلگەن ءبىرقاتار وبەكتىلەر ءۇشىن «جاسىل» ايماقتا شەكتەۋلەر الىنىپ تاستالادى. «سارى» ايماقتا 70 پايىزعا دەيىن، «قىزىل» ايماقتا 60 پايىزعا جانە مەيرامحانالار، مادەني وبەكتىلەر، بالالار مەن ەرەسەكتەر ءۇشىن ساۋدا، جانە ويىن-ساۋىق ورىندارى بويىنشا تولىمدىلىق ۇلعايتىلدى.
«ەلىمىزدە پاندەميانىڭ بۇكىل كەزەڭىندە بيزنەستىڭ بارلىق سالالارىندا كارانتيندىك شارالاردىڭ مۇنداي كەڭ اۋقىمدى جەڭىلدىكتەرى بولعان جوق»، - دەدى مينيستر.