بۇۇ: كليماتتىڭ وزگەرۋى جانە قورشاعان ورتانىڭ لاستانۋى قاقتىعىستار مەن تەڭسىزدىكتى كۇشەيتتى
بۇۇ ادام قۇقىقتارى جونىندەگى جوعارعى كوميسسارى ميشەل باچەلەت عالامدىق جىلىنۋعا قارسى كۇرەس اياسىندا تەڭسىزدىكتەر مەن قاقتىعىستار كۇشەيگەنىن اتاپ ءوتتى. ءچيليدىڭ ەكس-پرەزيدەنتى 13 قىركۇيەكتە جەنيەۆادا بۇۇ كەڭەسىنىڭ 48ء-شى سەسسياسىنىڭ اشىلۋىندا كليماتتىڭ وزگەرۋىنە بالانىستى ادامزاتقا ءتونىپ تۇرعان ماسەلەلەر تۋرالى ايتتى، دەپ حابارلايدى Almaty-akshamy.kz Lenta.ru سىلتەمە جاساپ.
باچەلەتتىڭ ايتۋىنشا، لاستانۋ مەن بيوالۋانتۇرلىلىكتىڭ جوعالۋى الەمدەگى ەڭ كەدەي ەلدەردىڭ تۇرعىندارى ءۇشىن كوپتەگەن قيىندىق اكەلەدى. ەكولوگيالىق ماسەلەلەرگە قاتىستى قاقتعىستار ادامداردڭ كوپتەگەن سالاداعى قۇقىعىن بۇزادى، ماسەلەن،تاماقتانۋعا، سۋعا، ءبىلىم الۋعا، باسپاناعا، دەنساۋلىققا قاتىستى كوپتەگەن قاقىن بۇزىپ، ميلليونداعان ادامداردىڭ ومىرىنە قيىندىق تۋدىرادى.
«لاستانۋدىڭ بىر-بىرىمەن بالانىستى داعدارىستارى، كليماتتىڭ وزگەرۋى ءقاۋىپ -قاتەردى كوبەيتەتىن فاكتورعا اينالادى، شيەلەنىستەر مەن قۇرىلىمدىق تەڭسىزدىكتى كۇشەيتەدى جانە ادامداردىڭ جاعدايىن قيىنداتا تۇسەدى»، - دەدى باچەلەت.
بۇدان بۇرىن Global Witness اتتى حالىقارالىق ۇيىم ادام قۇقىعى مەن قورشاعان ورتانى قورعاۋ ءۇشىن 2020 جىلى ولتىرىلگەن بەلسەندىلەردىڭ سانىن ەسەپتەگەن بولاتىن. مۇندا باقىلاۋدى ولار 2012 جىلدان باستاپ جۇرگىزىپ كەلەدى. 2020 جىلى ءولىم سانى بويىنشا رەكورد ورناتىلعان، زاڭسىز اعاش كەسۋشىلەردىڭ، ونەركاسىپشىلەردىڭ، فەرمەرلەردىڭ جانە باسقا دا كومىرتەگى كوپ كاسىپتەردىڭ قولىندا ازاماتتىق قوعامنىڭ 227 ادام قۇربان بولعان.