مۆك كوميسسيانىڭ تاپسىرماسى بويىنشا ءموبيلدى توپ قۇرىلعان.
الماتىدا ساۋدا ورتالىقتارىنداعى قىزمەت كورسەتۋ ماماندارىنىڭ ۆاكسينا پاسپورتى تەكسەرىلدى. قوعامدىق ورىندارداعى سانيتارلىق تالاپتىڭ ساقتالۋىن قاداعالاعان تەكسەرۋ توبى قۇجات انىقتامالارىنا دا زەر سالدى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.
مونيتورينگتىك توپ وكىلدەرى قۇجاتتىق باقىلاۋمەن عانا شەكتەلىپ قالعان جوق. ءقازىر مۇنداعى ءبىر قىزمەتكەردى شاقىرىپ، ۆاكسينا پاسپورتىنىڭ جالعان بولماۋى ءۇشىن Ashyq جۇيەسى ارقىلى تەكسەرۋ جۇرگىزىلىپ جاتىر.
«ساۋدا جاسايتىن كىسىلەردىڭ بارىندە Ashyq جۇيەسى بويىنشا تەكسەرىپ، كىرگىزىلەدى. ويتكەنى ءبىز باس سانيتارلىق دارىگەردىڭ قاۋلىسى بويىنشا جۇمىس ىستەيمىز. ول ءبىز ءۇشىن ماڭىزدى»، – دەدى ساۋدا دۇكەنىنىڭ مەنەدجەرى اينۇر احۋنوۆا.
تەكسەرۋ جۇمىسى شىنايى ءوتۋى ءۇشىن مونيتورينگتىك توپ وكىلدەرى اۋداندىق اكىمدىكتىڭ QR كودىن دا الا كەلىپتى. كەز كەلگەن 10 قىزمەتكەردى تاڭداپ، جۇيە ارقىلى مارتەبەنى تەكسەرگەندەر «بۇلاي ەتۋ – ەڭ اۋەلى ماماندار مەن ورتالىق قوناقتارىنىڭ دەنساۋلىعى ءۇشىن»، دەيدى.
«مۆك كوميسسيانىڭ تاپسىرماسى بويىنشا ءموبيلدى توپ قۇرىلعان مەملەكەت بويىنشا. سول المالى اۋدانىندا دا 4 توپ قۇرىلعان ۆاكسيناسيا بويىنشا. جۇمىستارى 99 پايىزعا ورىندالدى دەپ ايتۋعا بولادى. 3-4 كۇن بولدى جۇمىس باستالعالى بەرى. ەندى سول بويىنشا تەكسەرۋ جۇرگىزىلە بەرەدى»، – دەدى المالى اۋداندىق كاسىپكەرلىكتى جانە ونەركاسىپتى دامىتۋ ءبولىمىنىڭ باس مامانى عاپۋر باقتيار.